Il-Prim Ministru Robert Abela u Dr Lydia Abela taw tislima lill-Arċisqof Emeritu Pawlu Cremona O.P. li kien espost għall-qima fl-Oratorju tal-Konkatidral ta’ San Ġwann, il-Belt Valletta. Huma ffirmaw ukoll il-ktieb tal-kondoljanzi.

L-Istat permezz tal-Gvern ta’ Malta u l-Knisja qed jorganizzaw flimkien tislima xierqa lill-Arċisqof Emeritu Mons. Pawlu Cremona O.P. Dan bħala rikonoxximent għas-servizz ġeneruż li ta lis-soċjetà Maltija.