Il-Prim Ministru Robert Abela u martu Dr Lydia Abela se jkunu qed jilqgħu lill-pubbliku fil-Berġa ta’ Kastilja nhar is-Sibt 17 ta’ Diċembru bejn l-4:30pm u s-6:00pm, biex jawguraw lil xulxin fl-okkażjoni tal-Milied u s-Sena l-Ġdida.

Kull min jixtieq jiltaqa’ mal-Prim Ministru u ma’ Dr Lydia Abela qed jintalab iċempel fuq 22002400/1 biex iħalli d-dettalji tiegħu.

Waqt li jkun fil-Berġa ta’ Kastilja, il-pubbliku se jkun jista’ jara s-swali tal-Kabinett u tal-Ambaxxaturi u kull min jixtieq, se jkun jista’ wkoll jiffirma l-ktieb tal-viżitaturi.