L-Uffiċċju tal-Prim Ministru jirreferi għal rapporti fil-midja dwar allegazzjonijiet li saru waqt tnedija ta’ pubblikazzjoni iktar kmieni llum.  

L-awtoritajiet jaħdmu f’indipendenza u f’awtonomija sħiħa u jieħdu d-deċiżjonijiet bis-saħħa li tagħtihom il-liġi, skont il-ħaqq u s-sewwa. 

Iktar minn hekk, mhux biss il-gvern immexxi minn Robert Abela ta l-għodda lill-istituzzjonijiet biex iwettqu xogħolhom, iżda ta wkoll għodda ġdida liċ-ċittadini biex ikunu jistgħu anke huma jikkontestaw dawn id-deċiżjonijiet, kif qed jiġri fil-każ odjern stess minn min ippubblika l-ktieb, u liema proċeduri għadhom pendenti. 

Daqshekk dan il-gvern jemmen fl-istituzzjonijiet, u kull allegazzjoni jew mossa oħra, li tista’ tkun anke maħsuba biex tikkundizzjona proċeduri pendenti li hemm il-Qorti, hija allegazzjoni li m’għandhiex mis-sewwa.