Month: February 2024

Il-qasam tal-manifattura qed ikompli jissaħħaħ u jiddiversifika f’oqsma ġodda li qed iwasslu għal karrieri aħjar għal uliedna f’oqsma innovattivi bħar-robotika u l-inġinerija speċjalizzati, li qed isseħħ f’pajjiżna. Dan qed juri li l-ekonomija ta’ Malta qed tiddiversifika anke permezz ta’ għajnuna li l-Gvern joffri lil dan il-qasam li jimpjega eluf ta’ ħaddiema Maltin u Għawdxin. Dan qed iwassal biex il-manifattura llum hija storja ta’ suċċess għal pajjiżna għax qed tagħraf tinvesti fl-innovazzjoni u l-qalba ambjentali xprunata mill-abbiltà u l-bżulija tal-ħaddiema Maltin u Għawdxin, li llum jinsabu fit-tmun ta’ dan l-investiment dirett barrani.

Fi żjara li għamel fil-fabbrika ta’ Trelleborg Sealing Solutions, fiż-żona industrijali ta’ Ħal Far, il-Prim Ministru Robert Abela nnota l-pjan ta’ din il-kumpanija, b’aktar minn 60 sena ta’ storja f’pajjiżna, li tkompli tinvesti mal-€14-il miljun fis-sentejn li ġejjin biex l-operat tagħha jkun wieħed aktar nadif. Fil-fatt l-investiment addizzjonali f’makkinarju sostenibbli fl-industriji tal-bijoteknoloġija u l-farmaċewtika u s-semiconductors fost oħrajn, ġej wara li l-kumpanija qed tespandi b’aktar minn 6,000m² ta’ spazju addizzjonali fosthom 4,000m² ta’ spazju għall-produzzjoni. Dan wara li rċeviet għajnuna mill-Malta Enterprise u INDIS Malta.

Il-Prim Ministru Robert Abela żar iż-żona fejn qed jinbena l-ispazju addizzjonali u nnota kif f’dan il-post qed ikomplu jinħolqu karrieri ta’ kwalità skont il-prijoritajiet il-ġodda li għandu l-pajjiż. “Ifisser li nistgħu nibqgħu nipprogressaw u jinħolqu impjiegi li jagħtu kwalità ta’ ħajja aħjar iżda b’bidliet ambjentali li jagħtu wkoll opportunità ekonomika,” saħaq il-Prim Ministru Abela.

F’diskussjoni li kellu mal-ħaddiema fuq il-lant tax-xogħol, Dr Abela nnota l-avvanz fil-karrieri ta’ bosta ħaddiema, b’wieħed mill-ħaddiema, Ryan Carabott, żagħżugħ ta’ 27 sena, illum imexxi tim ta’ nies wara li daħal it-Trelleborg b’apprentistat. L-inġinier Neal Borg ukoll beda mal-istess kumpanija jaħdem fl-inġinerija u llum imexxi l-fabbrika bħala General Manager. Hawn ġie rrimarkat dwar il-ħtieġa tat-titjib tal-ħiliet biex il-ħaddiema jibqgħu jipprogressaw, xi ħaġa li l-kumpanija tagħmel b’mod intensiv biex tipprepara l-impjegati tagħha fil-produzzjoni ta’ prodotti tal-futur li jagħtu l-opportunità biex dawn l-istess prodotti minn Malta jidħlu fi swieq internazzjonali ġodda u innovattivi. 

Preżentement il-kumpanija tħaddem kważi sitt mitt ruħ f’Ħal Far u fil-Marsa u hija stabbilita bħala ċentru t’eċċellenza fil-manifattura u fil-qasam tar-riċerka u l-innovazzjoni kemm f’pajjiżna u anki fil-Grupp ta’ Trelleborg. Il-grupp jirreġistra bejgħ annwali ta’ madwar tliet biljun ewro kull sena. Trelleborg temmen ukoll li f’Malta teżisti klima li l-industriji li tispeċjalizza fihom, jistgħu jkomplu jikbru. 

Fiż-żjara l-Prim Ministru Robert Abela kien akkumpanjat ukoll mill-Ministru għall-Ekonomija, l-Intrapriża u Proġetti Strateġiċi Silvio Schembri.

Erba’ artijiet li jinsabu f’żoni tal-iżvilupp ser ikunu qegħdin jinbidlu fi spazji ħodor miftuħa għall-familji. Artijiet li fuqhom setgħu jinbnew 30 blokka appartamenti iżda minflok ser jinbidlu fi spazji rikreattivi viċin fejn ngħixu, naħdmu jew niddevertu. 

Dan ħabbru l-Prim Ministru Robert Abela li fisser kif dawn il-proġetti se jissarrfu f’Malta isbaħ b’direzzjoni ċara li f’dawn iż-żoni rridu trasformazzjoni li mhux mimlija binjiet u strutturi oħra, iżda żona ddominata minn spazji miftuħa mimlija siġar. Fi kliem il-Prim Ministru, dawn il-proġetti jibgħatu sinjal ieħor ta’ Gvern li jżomm kelmtu.

Il-Prim Ministru Robert Abela tkellem kif kien ta kelma li f’din il-leġiżlatura ser ikollna l-akbar proġett ta’ spazji miftuħa madwar il-pajjiż u li dik il-kelma dan il-Gvern qiegħed u ser jibqa’ jżommha. B’dawn l-erba’ artijiet, li jinsabu f’Ħal Luqa, Ħal Kirkop, Ħal Lija u San Ġiljan, ser ikunu qegħdin joffru spazju mħaddar ġdid b’mixja qasira għal madwar 7,000 familja. 

Bi proġetti ta’ dan it-tip ser naraw aktar minnhom din is-sena, bil-mira hi li mhedda ta’ 20,000 metru kwadru jingħataw għat-tgawdija tan-nies, b’dawn l-ewwel erba’ artijiet jinkludu madwar 8,000 metru kwadru ta’ art. 

Il-Prim Ministru tkellem kif meta nbeda dan l-eżerċizzju, biex artijiet tal-Gvern żviluppabbli jiġu allokati għal dan il-għan iltaqa’ ma’ ċertu xettiċċiżmu. Xettiċċiżmu li fi kliemu jixhed il-bidla li jrid ikollna fil-mentalità. Tenna li l-Gvern se jagħmel kull proġett li hemm bżonn għall-pajjiż għaliex l-ispazji miftuħa huma bżonn daqskemm hi bżonn skola jew Berġa tas-saħħa.

“Il-proġetti ta’ spazji miftuħa jridu jsiru parti mit-tessut soċjali ta’ pajjiżna. Din tal-lum hi aħbar sabiħa oħra. Fejn qed inżommu mal-kelma li tajna lill-poplu Malti u Għawdxi. Biex uliedna u l-ġenituri tagħna, ilkoll kemm aħna, ngħixu f’pajjiż isbaħ.”

Il-Ministru għall-Enerġija, l-Ambjent u r-Riġenerazzjoni tal-Port il-Kbir Miriam Dalli esprimiet li l-ambizzjoni tal-familji f’pajjiżna,  li l-progress fil-kwalità tal-ħajja li esperjenzaw f’dawn l-aħħar snin jiġi rifless fl-ambjent ta’ madwarna, hija l-ambizzjoni tagħna. Il-Ministru Miriam Dalli spjegat li diġà tlestew diversi ġonna ġodda filwaqt li għaddejja ħidma fuq ħafna oħrajn. “Fl-istess waqt, Project Green qed taħdem biex tintroduċi ideat innovattivi favur is-sostenibbiltà inkluż l-effiċjenza fl-użu tal-enerġija u l-ilma, is-sostenibbiltà fil-materjali użati u l-manutenzjoni ta’ dawn l-ispazji,” qalet il-Ministru Dalli, filwaqt li aċċennat għall-kollaborazzjoni anke mas-settur privat. Il-Ministru Dalli saħqet li t-tfassil tal-proġetti se jkun qed isir id f’id mal-Kunsill Lokali rispettivi u Project Green se tikkonsulta mal-komunitajiet li jgħixu fl-inħawi, biex tiġi rriġenerata l-bijodiversità naturali u biex dawn l-ispazji jkunu aktar aċċessibbli u siguri għall-pubbliku.

Min-naħa tiegħu l-Ministru għall-Artijiet u l-Implimentazzjoni tal-Programm Elettorali Stefan Zrinzo Azzopardi spjega li f’din l-ewwel parti ta’ dan il-proċess ġew identifikati 8,000 metru kwadru ta’ artijiet f’erba’ lokalitajiet. Dawn l-artijiet fis-suq kienu jiswew qrib l-għoxrin miljun ewro b’hekk issa Project Green se tkun tista’ tikkonverti dawn l-artijiet fi spazji ħodor miftuħa fil-qalba ta’ Ħal Luqa, Ħal Kirkop, Ħal Lija u San Ġiljan, kollha ftit minuti biss ‘il bogħod minn postijiet residenzjali. L-Awtorità tal-Artijiet hija mpenjata li tidentifika aktar artijiet ta’ dan it-tip biex sa din is-sena nilħqu l-mira ta’ 20,000 metru kwadru ta’ artijiet bħal dawn.

Informazzjoni dwar l-erba’ siti:

Ħal Luqa

• Triq Mikielanġ Sapiano

• Żona tal-iżvilupp għal ħames sulari ta’ bini

• 3,400 metru kwadru

Ħal Kirkop

• Triq Nerik Xerri

• Żona tal-iżvilupp għal ħames sulari ta’ bini

• 1,100 metru kwadru

Ħal Lija

• Triq Merino

• Żona tal-iżvilupp għal erba’ sulari ta’ bini

• 700 metru kwadru

San Ġiljan

• Ta’ Ġiorni

• Żona tal-iżvilupp għal binjiet differenti

• 2,300 metru kwadru

We want to carry out changes in the fairest way to keep progressing together for a better quality of life. This was the key message of Prime Minister Robert Abela’s address during a Parliament debate on the Climate Action Bill. The proposed legislation entails the creation of a Climate Change Authority, a development that the Prime Minister described as a clear direction of a cohesive and fully committed government towards decisive action on climate change. The Prime Minister underscored that this Authority is envisaged to undertake a comprehensive mandate, characterised by a holistic perspective and a social dialogue that actively engages all stakeholders to implement meaningful change.

“We all have to believe in the changes that are needed and carry them out. If we get lost in partisanship, we will be failing future generations because we will not take the necessary decisions in a timely manner”, Prime Minister Robert Abela said as he added that failure to embrace change will lead to widespread suffering. Acknowledging the undeniable reality of climate change, he emphasised the necessity for our country, despite its size, to adopt a proactive stance. He asserted that the foundation of our environmental policy should be rooted in preventive measures.

Dr Abela highlighted how the establishment of the Climate Change Authority builds on other major changes that are being carried out including:  the transformation in favour of the use of cleaner energy, actions that reduce the impact of tourism and the shipment of goods such as the shore-to-ship project, the recycling and the Waste-to-energy projects, the direction in favour of greener investment with the issuance of green bonds and the investment in open spaces.

Prime Minister Abela defined the green transition as the greatest economic opportunity of our generation. However he also said that this change must keep families at its core. “The government will never put the burden of changes on the people. We will take the necessary decisions, but they shouldn’t become easier because the burden is borne by the people”, Prime Minister Robert Abela said while stressing that this stand is also being made in the European fora. He stated that the achievement of environmental security cannot be delivered if the economic security in people’s lives is not ensured. The Prime Minister also warned against populism, which he has noted in the Opposition’s approach to reforms introduced by the government, such as the removal of sale of products made by single-use plastic. He claimed that populism does not provide solutions.

In pursuit of sustaining economic growth and providing social support amidst climate challenges, the Prime Minister urged for a collective effort and a shift in mindset, firmly asserting that the right decisions have the potential to usher further job creation, efficiencies in resources and expanded access to untapped markets, among other benefits. The Prime Minister emphasised the pivotal role of children and young people. He stressed on the importance of their involvement in the decision-making process and explained how the government is actively engaging with them, notably through discussions such as in the Youth Advisory Forum.

Prime Minister Robert Abela concluded by saying that Malta is a country that does not fear change because it is able to turn it into a successful opportunity. He stated that the green law put forward is not simply a written paper but a testament to a committed government in favour of social and economic changes that lead to a new prosperity.

Il-Prim Ministru Robert Abela jinawgura s-Sezzjoni Marittima tad-Dipartiment tal-Protezzjoni Ċivili f’Kordin

Illum għandna d-Dipartiment tal-Protezzjoni Ċivili fl-aqwa pożizzjoni li qatt kien biex iwettaq xogħlu. Meta f’post bħal dan tinvesti fl-aqwa ambjent, l-aqwa għodda u l-aqwa faċilitajiet tkun qed tinvesti fil-ħarsien tas-soċjetà, iżda wkoll fil-ħaddiema nfushom. Ħaddiema li jaħdmu f’ambjent aħjar, iktar sigur għalihom, ifisser riżultati aħjar u fuq kollox serħan il-moħħ għalihom u għall-familji tagħhom. 

Kien dan il-messaġġ tal-Prim Ministru Robert Abela waqt l-inawgurazzjoni tas-Sezzjoni Marittima tad-Dipartiment tal-Protezzjoni Ċivili f’Kordin akkumpanjat mill-Ministru għall-Intern, is-Sigurtà, ir-Riformi u l-Ugwaljanza Byron Camilleri. 

Inawgurazzjoni ta’ proġett b’investiment ta’ kważi nofs miljun ewro, li ser ikun qiegħed jikkontribwixxi għal Malta aktar sigura hekk kif is-Sezzjoni Marittima tal-Protezzjoni Ċivili issa hija tal-ogħla livell, tant li mhux biss issaħħet biex twieġeb għal salvataġġ fuq il-baħar, iżda ser tkun tista’ toffri wkoll appoġġ f’sejħiet oħra fuq l-art. Bil-binja issa toffri l-aqwa ambjent biex il-ħaddiema jagħtu l-aħjar servizz, fosthom b’sistema ta’ telekomunikazzjoni ġdida, li tippermetti l-kamra tal-kontroll tad-Dipartiment tinforma lill-ħaddiema kollha li jkunu fil-binja dwar kull inċident li jkun jirrikjedi l-assistenza immedjata tagħhom. B’dan jingħaqad mal-proġetti riċenti l-oħra fil-Protezzjoni Ċivili, bħalma huma l-vetturi u opri tal-baħar il-ġodda għat-tifi tan-nar b’investiment li laħħaq iżjed minn 5 miljun ewro, li huma maħsuba għall-ħtiġijiet ta’ pajjiżna. Dan filwaqt li issa tinkludi wkoll tliet garaxxijiet li fost oħrajn ikunu jistgħu jakkomodaw l-inġenji tat-taqsima HAZMAT li twieġeb għal emerġenzi marbuta ma’ materjal kimiku perikoluż. Il-binja l-ġdida hija wkoll mgħammra b’dawk li huma msejħa bħala dry room u wet room, li mhux biss huma essenzjali għall-ħaddiema iżda wkoll kritiċi f’operazzjonijiet ta’ salvataġġ.

Il-Prim Ministru rrefera għal diskussjonijiet li matul din l-inawgurazzjoni kellu mal-Uffiċjali tal-Protezzjoni Ċivili, uħud minnhom ilhom snin iservu, u spjega kif jfissrulek id-differenza li b’dawn l-investimenti qegħdin nagħmlu fil-ġurnata ta’ kuljum tagħhom. Tenna li jispikka wkoll is-sens ta’ kburija meta jilbsu l-uniformi Maltija barra minn xtutna u javviċinawhom kollegi u saħansitra jmorru fuqhom bħala punt ta’ referenza.

Dan hekk kif il-Gvern qiegħed jinvesti madwar €30 miljun fis-sena fis-sigurtà ta’ pajjiżna, biex jissokta l-investiment f’dan is-settur li fi kliem il-Prim Ministru ħaddiem b’kundizzjonijiet  u b’faċilitajiet aqwa, iwassal biex l-familji fil-mument tal-bżonn isibu Korpi Dixxiplinati lesti li mhux jgħinuhom biss, imma jgħinuhom bl-aqwa mod.

“U hekk qegħdin jagħmlu. Illum qegħdin naraw il-Korpi bi preżenza akbar u viżibbli fil-komunitajiet tagħna – qrib fejn ngħixu, naħdmu u niddevertu. Dan hu dipartiment li se jkompli jissaħħaħ. Fil-fatt kien pjaċir tiegħi li niltaqa’ mal-64 rekluta li qed jitħarrġu biex jingħaqdu fil-forza. Tara f’għajnejhom il-motivazzjoni li jkollhom karriera ta’ suċċess u li jħossuhom privileġġjati li qed jingħataw taħriġ ta’ kwalità u li d-determinazzjoni tagħhom tikber meta jaraw l-investiment li qed isir fil-Protezzjoni Ċivili. B’uħud minnhom segwew ukoll il-passi tal-ġenituri tagħhom u jgħidulek kif madwar il-mejda fi djarhom jitkellmu dwar kif fl-aħħar snin dan id-Dipartiment inbidel biex illum huwa iżjed lest biex jindirizza l-bżonnijiet ta’ Malta moderna.”

Il-Prim Ministru Robert Abela temm billi esprima sens ta’ sodisfazzjon qawwi li kemm ilu Prim Ministru lill-Korpi Dixxiplinati kollha tajnihom ftehim settorjali, jiġifieri lill-Uffiċjali tad-Dipartiment tal-Protezzjoni Ċivili, tal-Aġenzija għas-Servizzi Korrettivi, il-Pulizija u tal-Armata. Spjega li meta qegħdin nitkellmu fuq ftehim settorjali nkunu qegħdin nitkellmu fuq pagi, kundizzjonijiet aħjar u drittijiet ġodda.

Fil-fatt, min-naħa tiegħu, il-Ministru Byron Camilleri sostna kif barra l-investimenti kapitali li qed isiru b’mod kontinwu, il-Gvern qed jinvesti wkoll direttament fil-ħaddiema, kemm billi jkomplu jitjiebu l-kundizzjonijiet u d-drittijiet tal-ħaddiema fil-korpi dixxiplinati u anke fit-taħriġ tagħhom. Mis-sensiela ta’ ftehimiet kollettivi rispettivi, għal tisħiħ fil-pensjoni tas-servizz, b’serħan il-moħħ ukoll fi protezzjoni lill-familjari tal-istess ħaddiema, illum għandna sisien sodi li fuqhom nistgħu nkomplu nsaħħu s-sigurtà ta’ pajjiżna.

“Illum inawgurajna faċilitajiet ġodda biex il-ħaddiema tas-sezzjoni marittima tal-Protezzjoni Ċivili, inkluż il-bugħaddasa, ikunu jistgħu jirrispondu fil-pront għal emerġenzi fuq il-baħar madwar il-kosta tal-gżejjer Maltin. Jikkumplimenta dan il-bini hawn investimenti multimiljunarji oħra f’inġenji u opri tal-baħar oħra li qed ikunu inawgurati llum, u oħrajn li ġew imżanzna fl-aħħar xhur, biex jintużaw mill-ħaddiema, kif fil-fatt jiġri f’sitwazzjonijiet t’emerġenza kemm fuq il-baħar, kif ukoll fuq l-art. Bħala Gvern ser nibqgħu naħdmu għal iżjed sigurtà u serħan il-moħħ għan-nies.”

Preżenti għall-inawgurazzjoni kien hemm id-Direttur Ġenerali tal-Protezzjoni Ċivili Peter Paul Coleiro, is-Segretarju Permanenti Joyce Dimech, flimkien ma’ ħaddiema u Uffiċjali tal-Protezzjoni Ċivili.