Month: June 2025

Il-Prim Ministru Robert Abela, akkumpanjat mill-Ministru għal Għawdex u l-Ippjanar Clint Camilleri u l-Ministru għas-Saħħa u l-Anzjanità Attiva Jo Etienne Abela, żar iċ-Ċentru ta’ Servizzi għat-Tfal, Adolexxenti u Żgħażagħ fir-Rabat Għawdex.

Dan iċ-ċentru modern joffri firxa ta’ servizzi mediċi u terapewtiċi għat-tfal, adeloxxenti u żgħażagħ, fosthom occupational therapy, fiżjoterapija, speech therapy, psikjatrija tat-tfal u l-adolexxenti, kif ukoll servizzi ġodda bħal dental hygienist edukattiv, pedjatrija tal-komunità u terapija tal-familja.

Minn dan iċ-ċentru, li jinsab viċin tal-Isptar Ġenerali ta’ Għawdex, qed jibbenefikaw madwar 300 tifel u tifla flimkien mal-familji tagħhom.

Waqt din iż-żjara l-Prim Ministru kellu l-opportunità jiltaqa’ ma’ diversi familji li kienu qed jagħmlu użu minn dan is-servizz.

Il-Prim Ministru Robert Abela rringrazzja lit-tim tal-professjonisti li qed joffru dan is-servizz essenzjali f’ambjent adattat u inklussiv.

Huwa saħaq fuq l-importanza ta’ servizzi li jqiegħdu lit-tfal u l-familji tagħhom fiċ-ċentru tal-kura, u li jkunu aċċessibbli wkoll għall-komunità Għawdxija.

Dan iċ-ċentru jikkumplimenta l-viżjoni tal-Gvern li joffri kura integrata u sostenibbli, inkluż f’Għawdex, fejn qed isir investiment kontinwu fil-faċilitajiet tas-saħħa u fil-kapaċità tal-professjonisti tas-settur.

Malta rnexxielha tattira lejha din il-Masterclass dinjija fejn l-aqwa professjonisti nġabru jiskambjaw l-ideat

F’indirizz li għamel hekk kif f’pajjiżna qed titlaqqa’ ‘The International Advanced Endoscopy Masterclass’, il-Prim Ministru Robert Abela tenna l-impenn tal-Gvern Malti favur eċċellenza fis-settur tas-saħħa, ir-riċerka u l-edukazzjoni medika. Il-Prim Ministru nnota kif din it-tip ta’ konferenza mill-aqwa professjonisti fil-qasam tal-endoskopija ġiet f’pajjiżna għall-ewwel darba u bis-saħħa tagħha qed isir skambju ta’ ideat. Hawn innota l-irwol tal-Ministeru għas-Saħħa u l-Anzjanità Attiva flimkien mal-Awtorità Maltija għat-Turiżmu biex inġabet din il-konferenza f’pajjiżna.

Il-Prim Ministru spjega l-investiment li kompla jsir f’pajjiżna biex il-pazjenti jibqgħu jirċievu servizz tas-saħħa ta’ kwalità. Innota kif pajjiżna introduċa dik imsejħa bħala endoscopic submucosal dissection. Teknika li biha l-intervent endoskopiku ikun aktar preċiż u jagħti l-opportunità għal trattament li jkun invażiv mill-inqas. Dr Abela qal ukoll li sala oħra għall-endoskopija fetħet fl-isptar Mater Dei biex jingħata aktar servizz lill-pazjenti.

Il-Prim Ministru Robert Abela qal li din il-konferenza medika se tagħti opportunità biex pajjiżna jkun ċentru t’eċċellenza fis-saħħa fir-reġjun tal-Mediterran. Irringrazzja wkoll b’mod partikolari u fost oħrajn lill-Professur Edward Despott, Malti rinomat barra minn pajjiżna u li anki qed jagħti s-servizzi tiegħu fl-isptar Mater Dei. Il-Professur Despott kien strumentali biex l-AEM inġabet f’pajjiżna.

Il-Ministru għas-Saħħa u l-Anzjanità Attiva Jo Etienne Abela wera s-sodisfazzjon kbir tiegħu u tal-Ministeru li kungress ta’ din il-kwalità u mill-aktar għolja qed iseħħ f’pajjiżna. Huwa għamel aċċenn għall-espansjoni fis-servizzi tal-endoskopija f’Mater Dei li fl-aħħar sena ingaġġat lil professur Edward Despott li qed joffri servizzi ta’ ESD u double balloon enteroscopy. Dan huwa livell ta’ kura li jiġi klassifikat mal-aqwa fid-dinja. “Bis-sehem tal-Gvern u fl-organizazzjoni ta’ dan il-kungress qed jibbenefikaw, it-tobba u l-infermiera li joffru servizz f’Malta qed jiġu mħarrġa bl-aħjar mod biex iċ-ċittadini Maltin u Għawdxin jirċievu kura tal-ogħla livell,” temm jgħid il-Ministru Jo Etienne Abela.

Min-naħa tiegħu, il-Kap Eżekuttiv tal-MTA Carlo Micallef qal li l-istrateġija tal-Awtorità Maltija għat-Turiżmu hija favur turiżmu ta’ kwalità u jrendi bħala parti wkoll mill-viżjoni Malta 2050. Fisser kif konferenzi u expos tal-kalibru tal-Masterclass AEM li qed issir f’pajjiżna f’dawn il-jiem jagħtu dak il-valur miżjud fl-ekonomija tagħna.

Prime Minister Robert Abela inaugurated the newly refurbished priority guest terminal at Malta International Airport, an ambitious project supported by a €4.5 million investment that began in 2024. 

This cutting-edge facility exemplifies Malta’s commitment to innovative, high-quality tourism and is poised to elevate the country’s status as a premier destination for high-value tourism and global connectivity. The terminal features five private suites on the first floor, capable of accommodating up to 34 guests simultaneously. Designed with both aesthetics and functionality in mind, the lounge area utilises extensive glass, skylights, and natural lighting to reduce reliance on artificial illumination while enhancing the feeling of spaciousness. Culinary offerings focus on seasonal and local produce, served by a dedicated chef across two kitchens to deliver a fresh, authentic gastronomic experience. In 2024, this service contributed €6.6 million to the airport’s revenue, highlighting the increasing demand for luxury travel options.

Prime Minister Robert Abela stated that this terminal reflects our core values: quality over quantity and service rooted in Maltese hospitality. “It’s also part of a broader vision, Malta’s Vision 2050, where high-value tourism and global connectivity are not just aspirations, but guiding principles”, Dr Abela said. “This airport is a vital part of our national story. Malta’s airport is strategic”, Prime Minister Abela added.

Nhar il-Ħamis 3 ta’ Lulju, fil-Palazz tal-Girgenti, se tittella’ edizzjoni oħra ta’ ‘A Night at the Palace’ f’dak li se jkun spettaklu mużikali b’differenza għal għan nobbli. 

L-Orkestra Filarmonika ta’ Malta taħt id-direzzjoni tal-Maestro Aurelio Belli, flimkien mal-kantanti Amber, Richard Edwards u Gloriana Arpa Belli, se jwasslu lill-udjenza l-iktar mużika sinonima mal-films u musicals rinomati fosthom Titanic, Gladiator, Skyfall, The Lion King u ħafna iktar.

Waqt konferenza tal-aħbarijiet fl-Uffiċċju tal-Prim Ministru, li matulha ngħataw id-dettalji tal-attività, mart il-Prim Ministru Dr Lydia Abela spjegat kif din is-sena d-donazzjonijiet miġbura minn dawk preżenti se jmorru b’risq proġett ta’ Special Olympics Malta fil-qasam tas-saħħa mentali. Preċiżament biex jiġi msaħħaħ il-programm ‘Strong Minds’ li huwa għodda ta’ tagħlim li jiżviluppa ħiliet ġodda biex l-atleti jadattaw għal ċirkostanzi differenti li jiltaqgħu magħhom.

Dr Abela qalet li l-kompetizzjonijiet sportivi spiss jirrikjedu li l-atleti jagħmlu ħafna ħin ’il bogħod mid-dar u mill-pajjiż, u dan jista’ jikkawża stress mentali. L-istess, fil-ħajja ta’ kuljum fejn l-atleti bħal kull wieħed minnha jistgħu jgħaddu minn perjodi ta’ ansjetà.

Bid-donazzjonijiet li se jinġabru waqt ‘A Night at the Palace’, Special Olympics Malta se tkun tista’ toffri iktar mezzi, fosthom screening tas-saħħa mentali tal-atleti biex ikun hemm sistema iktar robusta li tidentifika riskji fi stadju kmieni u allura kura fil-komunità iktar effettiva.

Mart il-Prim Ministru appellat lill-pubbliku biex jattendi għal din iċ-ċelebrazzjoni mużikali fix-xenarju mill-isbaħ tal-Palazz tal-Girgenti u bil-preżenza tiegħu jkun qed jagħti sehmu fi Special Olympics u f’din is-soċjetà Maltija li qed tħares dejjem iktar favur is-saħħa mentali u l-benefiċċji li ġġib magħha.

Dr Lydia Abela temmet tgħid li bidliet żgħar jistgħu jħallu impatt kbir mhux biss fuq l-individwu iżda anke fuq il-familji tagħhom.

Intant, il-Kap Eżekuttiv tal-Orkestra Filarmonika ta’ Malta Vanessa Mangion qalet li, bħala istituzzjoni nazzjonali b’reputazzjoni għolja, huwa ta’ sodisfazzjon li l-Orkestra tkompli turi l-impenn tagħha lejn is-soċjetà, bis-sehem tagħha f’attivitajiet filantropiċi, din id-darba b’repertorju sabiħ għal gosti ta’ kulħadd. 

Il-Maestro Aurelio Belli spjega kif l-attività se tinkludi xogħlijiet mużikali ikoniċi minn films u musicals rinomati, interpretati mill-Orkestra Filarmonika ta’ Malta li hija versatili biex twassal siltiet sinfoniċi, klassiċi, rock u iktar.

Il-biljetti jistgħu jinkisbu mingħajr ħlas minn https://anightatthepalace.com/.