Month: August 2025

Prime Minister Robert Abela today visited 15-year-old Ibrahim Mahir Wasfi Wishah, a youth from Gaza who is receiving medical treatment in Malta and making steady progress through therapy provided by professionals at St Luke’s Hospital. During the visit, Dr Abela encouraged Ibrahim to continue his rehabilitation and to look forward to resuming life as independently as possible.

Ibrahim was brought to Malta last April, together with other injured persons from Gaza, under an initiative coordinated through the European Union Civil Protection Mechanism with the participation of Malta’s Civil Protection Department. Upon arrival, he began immediate treatment at Mater Dei Hospital for serious orthopaedic injuries to his right leg caused by an explosion while he was in Gaza. In July, he was referred to physiotherapy and assessed by the Orthotics and Prosthetics Unit (OPU), where a multidisciplinary team, including a prosthetist, orthotist, and therapists, developed a tailored rehabilitation plan aimed at helping him regain mobility and independence.

The Prime Minister expressed his satisfaction that Malta’s humanitarian assistance is making a tangible difference, as seen in Ibrahim’s recovery and that of others who have found care in our country after being caught in the conflict. Together with the Minister for Health and Active Ageing Jo Etienne Abela, thanked the dedicated medical professionals supporting Ibrahim and all those receiving medical treatment in Malta. 

Malta was among the first EU member states to welcome patients from Gaza for treatment in local hospitals following the outbreak of the war. Prime Minister Abela reaffirmed Malta’s commitment to continue providing humanitarian assistance while also working tirelessly in favour of peace. Palestinian Ambassador Fadi Hanania was also present during the visit.

Sentenza ta’ priġunerija effettiva għal sewwieqa ħatja li qatlu persuna, anke b’mod involontarju, taħt l-effett tal-alkoħol jew tad-droga

B’emendi legali proposti mill-Gvern, il-Pulizija ser ikunu jistgħu jibdew jagħmlu għall-ewwel darba random roadside drug testing mingħajr suspett raġonevoli jew ordni tal-Qorti, bl-għan li tkompli tissaħħaħ is-sigurtà fit-toroq u jiġu protetti kemm jista’ jkun ċittadini onesti u responsabbli. Dan b’mod simili li jsiru testijiet tal-alkoħol. Dan wara ħidma li saret fl-aħħar xhur mill-Korp tal-Pulizija fejn sar market research u nxtraw testijiet apposta, li jinsabu f’Malta. 

Matul din is-sena, il-Pulizija wettqu 2,000 roadcheck, li jikkumplimentaw ħidma oħra mwettqa mil-LESA u Transport Malta. Dan ifisser li fl-ewwel tmien xhur tas-sena diġà saru road checks daqs is-sena kollha sħiħa, li ser iwassal biex sal-aħħar tas-sena dawn ilaħħqu t-triplu li sar tliet snin ilu. Infurzar li jibni fuq iż-żieda fil-pieni fl-aħħar snin.

Il-Ministru għall-Intern, is-Sigurtà u x-Xogħol Byron Camilleri tenna li huwa ċar li minkejja dan, jeħtieġ jiżdied id-deterrent u jiħraxu l-liġijiet kontra min jabbuża, għaliex mhuwiex aċċettabbli li xi ħadd jipperikola ħajjet ħaddieħor b’kapriċċ. 

“F’Lulju tajna sinjal ċar bl-ewwel qari fil-Parlament li konna se nimxu f’din id-direzzjoni, anke għax konna qed nagħlqu numru ta’ konsultazzjonijiet interni u anke esterni biex ikollna riforma robusta li tintroduċi r-roadside drug testing li tista’ taħdem b’mod b’saħħtu.”

Għalhekk, minkejja din iż-żieda fl-infurzar, il-Gvern qed jagħraf li hemm bżonn aktar deterrent u qiegħed jipproponi:

1.⁠ ⁠Testijiet tad-droga mill-Pulizija, fit-triq, simili għall-mod li llum isir tal-alkoħol.

2.⁠ ⁠Random Roadside Testing, fejn testijiet fuq id-droga jew l-alkoħol isiru anke mingħajr suspett raġonevoli.

3.⁠ ⁠Sentenza ta’ priġunerija effettiva għal min jinstab ħati li qatel persuna, anke b’mod involontarju, taħt l-effett tal-alkoħol jew tad-droga. Tkun eliminata l-possibbiltà ta’ sentenza sospiża. 

4.⁠ ⁠Jissaħħu l-pieni għal min jagħżel li jsuq xurban jew taħt l-effett tad-droga, b’multi eħrex għad-dispożizzjoni tal-Qorti.

5.⁠ ⁠Poter lill-Prosekuzzjoni sabiex titlob li l-liċenzja tas-sewqan tkun sospiża meta l-proċeduri jkunu pendenti. Wara tkun il-Qorti li tiddeċiedi din it-talba.

Din ir-riforma tibni fuq il-passi li diġà ttieħdu biex jissaħħu s-sigurtà u l-ordni pubblika, u hija mfassla biex tipprovdi aktar protezzjoni għal kull min josserva r-regoli tat-traffiku.

Ir-ritratt ippubblikat flimkien ma’ din l-istqarrija juri t-test għad-droga li dwaru kienet qed issir market research u anke l-ittestjar kollu meħtieġ, anke bbażat fuq mudelli mħaddma f’membri stati oħra.

Il-Gvern ta’ Malta ressaq għad-diskussjoni żewġ Abbozzi ta’ Liġi u żewġ Abbozzi ta’ Avviżi Legali li bihom irid iwettaq riforma favur ippjanar sensibbli u responsabbli. Għalhekk il-Gvern qed jiftaħ proċess ta’ konsultazzjoni dwar dawn l-abbozzi li fihom il-Gvern huwa kommess li jġib riforma meħtieġa li ġġib ġustizzja fis-settur permezz ta’ bidliet ħolistiċi favur dixxiplina, ċarezza u ċertezza fil-qasam tal-ippjanar.

Il-proċess ta’ konsultazzjoni pubblika fejn fost oħrajn, il-pubbliku inġenerali huwa mistenni jgħid tiegħu, se jiġi mgħarbel u analizzat minn grupp ta’ ħidma mmexxi mill-Kap tas-Segretarjat fi ħdan l-Uffiċċju tal-Prim Ministru, il-Kurunell Dr Mark Mallia. Il-grupp se jkun kompost mid-Deputat Prim Ministru Ian Borg, il-Ministri Owen Bonnici, Clint Camilleri, Miriam Dalli u Jonathan Attard, is-Segretarju Permanenti Ewlieni Tony Sultana u s-Segretarju tal-Kabinett Ryan Spagnol. Il-Kap Eżekuttiv tal-Awtorità tal-Ippjanar Johann Buttigieg huwa osservatur f’dan il-grupp li Segretarja tiegħu se tkun Dr Jessica Galea.

Dan il-grupp ta’ ħidma mhux biss se jgħarbel u janalizza s-sottomissjonijiet iżda fil-perjodu miftuħ ta’ konsultazzjoni pubblika se jiltaqa’ wkoll ma’ stakeholders ewlenin. Permezz ta’ din ir-riforma, il-Gvern irid ikompli jsaħħaħ id-drittijiet taċ-ċittadin fosthom bil-bidla fil-proċess tal-appelli li biha żvilupp jiġi sospiż sakemm tingħata deċiżjoni fi stadju t’appell b’termini stipulati ta’ żmien.

Il-konsultazzjoni pubblika se tkun miftuħa anki fuq żewġ Abbozzi ta’ Avviżi Legali li jindirizzaw il-ħtieġa li l-pajjiż jibda paġna ġdida u biex min tħalla jiżbalja fil‑passat iħallas t’għemilu u jagħti lura kumpens lill‑pajjiż. Minn hemm ’il quddiem irid jintbagħat sinjal favur ippjanar sensibbli u responsabbli li jagħti serħan il‑moħħ u trankwillità lill‑Maltin u l‑Għawdxin.

Tista’ tipparteċipa f’din il-konsultazzjoni pubblika sal-Ħadd, 7 ta’ Settembru 2025 billi żżur is-sit konsultazzjoni.gov.mt.

Il-Prim Ministru Robert Abela, żar iċ-Ċentru tar-Riabilitazzjoni Komunità Santa Marija li l-Aġenzija Sedqa għandha f’Ħal Farruġ fejn hemmhekk ingħaqad ukoll mar-residenti għal ikla organizzata minnhom stess flimkien mal-ħaddiema ta’ din il-komunità.

Flimkien mal-Ministru għall-Politika Soċjali u d-Drittijiet tat-Tfal Michael Falzon, u mal-Kap Eżekuttiv tal-Fondazzjoni għas-Servizzi ta’ Ħarsien Soċjali (FSWS) Alfred Grixti, il-Prim Ministru ltaqa’ mar-residenti li ħejjew dak kollu li kien meħtieġ għal din l-ikla, fejn għamlu użu minn frott u ħaxix li jkabbru huma stess fl-għelieqi ta’ madwar ir-residenza.

Waqt din l-ikla, il-Prim Ministru tkellem mar-residenti, hekk kif qasmu l-esperjenzi tagħhom, kemm dawk ta’ sfida iżda fuq kollox dawk ta’ tama. Sema’ wkoll stejjer ta’ residenti li għaddew minn dan il-programm, temmewh b’suċċess, u llum qed jagħtu lura lill-komunità billi jgħinu lill-oħrajn fil-vjaġġ tagħhom lejn il-fejqan.

Filwaqt li rringrazzja lir-residenti tax-xogħol li sar biex tittella’ din l-ikla, il-Prim Ministru Abela faħħarhom tal-kuraġġ li kellhom biex qasmu miegħu l-esperjenzi personali tagħhom. “Kull persuna tista’ tiżbalja, importanti nifhmu dan. Iżda trid kuraġġ kbir biex tagħraf l-iżball, taċċettah u taħdem bla waqfien biex tirkupra u terġa’ tibni ħajtek mill-ġdid. U dan qed tagħmluh b’dinjità u b’determinazzjoni li għandu jispira lil ħafna oħrajn,” sostna Dr Abela.

Il-Prim Ministru rrikonoxxa wkoll ix-xogħol imprezzabbli tal-ħaddiema fil-Komunità Santa Marija. “Intom mhux sempliċiment professjonisti, intom nies b’qalb kbira li temmnu fil-bidla u temmnu fin-nies. Lil kull resident hawnhekk ngħidilkom li dawn il-ħaddiema jemmnu fikom u qegħdin hawn biex jgħinukom tirnexxu. Bħala Gvern se nibqgħu naħdmu biex noffru s-sapport meħtieġ biex kull min irid jagħmel bidla f’ħajtu, ikollu l-għodod u ċ-ċans jagħmilha,” temm jgħid Dr Abela.

Id-Direttur tal-Operat ta’ Aġenzija Sedqa, Charles Scerri, spjega wkoll kif ir-residenti issa għandhom l-opportunità li jaqsmu l-esperjenzi tagħhom ma’ tfal u żgħażagħ permezz tal-programm ‘Hurt by others. Healed through others’. Dan il-programm, li jingħata fiċ-Ċentri ta’ Tagħlim fl-ibliet u rħula, joffri spazju lir-residenti sabiex jitkellmu dwar dak li għaddew minnu filwaqt li jaqsmu tagħlim tal-ħajja inkluż reżiljenza u modi differenti ta’ kif tista’ tgħix ħajja aħjar.

Il-Komunità Santa Marija toffri programm ibbażat fuq komunità terapewtika, li jinkludi fażijiet residenzjali u ta’ aftercare, sabiex jiġu offruti għodod konkreti għal ħajja mingħajr riskju ta’ vizzju u aktar b’saħħitha.