Month: April 2025

PR250659

Posted on April 21, 2025 by - Latest News

Il-Gvern qed jiddikjara l-ġurnata ta’ għada, it-Tlieta 22 ta’ April 2025, bħala jum ta’ luttu b’turija ta’ rispett lejn il-Qdusija Tiegħu Papa Franġisku.

Il-ġurnata tal-funeral ta’ Papa Franġisku se titħares bħala jum ta’ luttu nazzjonali. Dakinhar funzjonijiet u attivitajiet pubbliċi tal-Gvern se jiġu mħassra. 

Il-bnadar kollha fuq il-bini u l-uffiċini pubbliċi għandhom jittajru mezz’asta fiż-żewġ dati.

Papa Franġisku kien il-mexxej tal-Knisja Kattolika u simbolu tal-ġustizzja soċjali u l-paċi għall-popli tad-dinja kollha. Il-Gvern iħeġġeġ lill-poplu Malti u Għawdxi kollu sabiex jingħaqad f’din l-aħħar tislima ta’ rispett billi josserva dawn il-ġranet ta’ luttu.

PR250657

Posted on April 21, 2025 by - Latest News

Il-Gvern ta’ Malta juri s-sogħba għall-mewt ta’ Francis Zammit Dimech li serva bħala Aġent President tar-Repubblika ta’ Malta. Dr Zammit Dimech serva wkoll f’diversi karigi oħra fosthom f’Kabinetti tal-Ministri, fl-ogħla istituzzjoni tal-pajjiż il-Parlament u rrappreżenta lil pajjiżna fil-Parlament Ewropew.

Il-Prim Ministru Robert Abela fisser lil Francis Zammit Dimech bħala politiku ġentlom, sod fl-argumenti tiegħu iżda ġentili u rispettuż fil-manjieri u l-atteġġjament tiegħu. Qal li Malta tibqa’ grata għas-servizz tiegħu anki dan l-aħħar meta kien Aġent President waqt li kellu sfidi ta’ saħħa.

Il-Gvern jagħti l-kondoljanzi sinċiera lil qrabatu u dawk l-aktar qrib tiegħu.

PR250651

Posted on April 21, 2025 by - Latest News

The Government of Malta pays tribute to the memory of Pope Francis and extends its condolences to the Vatican State.

Pope Francis had a special connection with Malta following his apostolic visit in 2022. It was a memorable occasion during which Pope Francis visited the Maltese islands and met with the Maltese and Gozitan people in gatherings that will be forever etched in our nation’s history.

Reflecting on his personal meetings with Pope Francis, Prime Minister Robert Abela highlighted the important work carried out by the Pope throughout his pontificate, particularly in being a strong voice for the most vulnerable and bringing several social issues to the forefront of the international agenda.

Pope Francis worked tirelessly in favour of peace during geopolitical challenges and spearheaded significant reforms within the Catholic Church.

Posted on April 17, 2025 by - Latest News

Il-Prim Ministru Robert Abela flimkien ma’ martu Dr Lydia Abela u l-Ministru għall-Intern, is-Sigurtà u x-Xogħol Byron Camilleri, żar il-Forn tal-Ħabs fil-Faċilità Korrettiva ta’ Kordin

Il-Prim Ministru Robert Abela, li ġie mdawwar mill-Kap Eżekuttiv tal-Aġenzija għas-Servizzi Korrettivi Christopher Siegersma, ra l-ħidma li kienet għaddejja mill-priġunieri u mill-uffiċjali tal-Aġenzija sabiex jippreparaw prodotti bħal qagħaq tal-appostli u ħelu li jistgħu jinxtraw mill-pubbliku. Il-Prim Ministru kellu kliem ta’ tifħir għall-ħidma li kienet qed issir għal din l-inizjattiva li qed tibqa’ popolari sena wara l-oħra f’dawn iż-żminijiet.

L-inizjattiva mill-Forn tal-Ħabs, apparti li toffri prodotti tradizzjonali lill-pubbliku, tgħin fir-riabilitazzjoni tar-residenti fil-Faċilità Korrettiva ta’ Kordin fejn tagħtihom sens ta’ skop u anke jakkwistaw ħiliet ġodda u siewja.

Posted on April 15, 2025 by - Latest News

Fil-binja tal-Aġenzija għall-Ħarsien ta’ Persuni li jkunu qed ifittxu l-Ażil f’Ħal Far, il-Prim Ministru Robert Abela flimkien ma’ martu Dr Lydia Abela, il-Ministru għall-Intern, is-Sigurtà u x-Xogħol Byron Camilleri u l-Ministru għas-Saħħa u l-Anzjanità Attiva Jo Etienne Abela ltaqgħu mal-erbat itfal Palestinjani minn Gaża li jinsabu f’pajjiżna biex jirċievu kura medika.

Il-Prim Ministru tkellem ukoll mal-familji ta’ dawn it-tfal. Huwa għamlilhom kuraġġ u qalilhom li huma milqugħa f’pajjiżna biex jerġgħu jieħdu ħajjithom mill-ġdid wara s-sofferenza li ġabet magħha l-gwerra. Sostna kif pajjiżna dejjem jibqa’ jimbotta l-pożizzjoni konsistenti tiegħu favur il-paċi u l-waqfien b’mod permanenti tal-ġlied. Fil-preżenza wkoll tal-Ambaxxatur Palestinjan f’Malta Fadi Hanania spjega kif Malta tibqa’ tadvoka favur is-soluzzjoni taż-żewġ Stati.

Mart il-Prim Ministru Dr Lydia Abela tat rigali lil dawn it-tfal mill-inizjattiva li ssir ta’ kull sena ‘Rigal bi Mħabba’ frott il-ġenerożità tal-poplu Malti u Għawdxi. Intant kien il-Ħamis, fis-sigħat bikrin ta’ filgħodu li permezz ta’ vjaġġ li ħa sigħat twal mil-Lvant Nofsani, dawn it-tfal waslu f’pajjiżna biex jirċievu l-kura medika fl-isptar Mater Dei. Dan wara wkoll ħidma kkordinata taħt inizjattiva mħaddma skont il-Mekkaniżmu tal-Unjoni Ewropea għall-Protezzjoni Ċivili bis-sehem tad-Dipartiment tal-Protezzjoni Ċivili ta’ Malta.