Month: April 2025

Il-Gvern se jkompli jsaħħaħ l-għajnuna lill-pazjenti fosthom billi jkopri l-ispejjeż kollha tal-mediċini tal-kanċer

Fi żjara lill-pazjenti Maltin li qed jirċievu l-kura medika f’Londra, il-Prim Ministru Robert Abela ħabbar li l-Gvern għaddej bit-tħejjijiet biex l-ewwel għaxar mediċini minn ftit aktar minn erbgħin għall-kura tal-kanċer jidħlu fil-formularju u b’hekk jingħataw mingħajr ħlas. Dan bħala parti minn bidla tranżitorja li fiha l-Gvern se jieħu fuqu l-piż tal-mediċini tal-kanċer flok il-Malta Community Chest Fund u b’hekk il-pazjenti jingħataw il-kura bi dritt, u mhux b’karità. Sakemm isseħħ il-bidla, il-pazjenti xorta se jibqgħu jkunu mgħejjuna mill-Malta Community Chest Fund. 

F’Londra, flimkien ma’ Angele Cuschieri u Rennie Zerafa ta’ Puttinu Cares, il-Prim Ministru Robert Abela u martu Lydia Abela tennew l-appoġġ kontinwu li Malta tibqa’ tagħti għal kawżi soċjali bħal ma tressaq ’il quddiem din l-għaqda li twettaq ġid kbir fis-soċjetà Maltija. 

Il-Prim Ministru qal li l-valuri importanti li jħaddan il-poplu Malti u Għawdxi, bħall-imħabba u s-solidarjetà, huma riflessi fil-ħidma bla qies li twettaq Puttinu Cares. “L-inkwiet għandna nerfgħuh aħna bħala Gvern u mhux in-nies. Fuq kollox, irridu nibqgħu nagħtu s-serħan il-moħħ lill-familji u lil Puttinu Cares, li jgħixu vjaġġ ta’ sfida iżda fih din l-għaqda turi empatija liema bħalha ma’ dawk li jkollhom bżonn spalla,” qal Dr Abela. 

Mal-Prim Ministru Robert Abela f’Londra kien hemm il-Ministru għas-Saħħa u l-Anzjanità Attiva Jo Etienne Abela, li flimkien waslu dan il-messaġġ ta’ kuraġġ lill-familji Maltin. 

Iż-żjara tal-Prim Ministru bdiet fl-isptar Royal Marsden li huwa meqjus bħala wieħed mill-aqwa ċentri tal-onkoloġija fid-dinja. Milqugħ mill-konsulent Dr Francesca Sillito, Dr Abela seta’ jara x-xogħol li jsir biex tingħata kura speċjalizzata lil min jiġi bżonnha. F’sala tal-isptar, il-Prim Ministru u Dr Lydia Abela qattgħu ħin ma’ pazjent Malti li bħalissa qed jingħata trattament fir-Royal Marsden. 

Dr Abela, li huwa l-ewwel Prim Ministru Malti li żar lil Puttinu f’Londra, iltaqa’ wkoll mal-kirurgu Malti Matthew Schembri li jaħdem fl-isptar Royal Marsden fejn jispeċjalizza fir-robotika għat-trattament tal-kanċer tal-prostata u jirriċerka dwar l-użu tal-intelliġenza artifiċjali biex titjieb il-ħajja tal-pazjent fil-vjaġġ tiegħu wara d-djanjożi. 

F’isem il-Gvern Malti, il-Prim Ministru ppreżenta wkoll donazzjoni lir-Royal Marsden Cancer Charity li se tmur għal investiment fir-riċerka biex ikomplu l-proġetti ta’ studju fost oħrajn fuq identifikazzjoni kmieni tal-marda, trattament personalizzat u trattamenti ġodda.

Iż-żjara kompliet fl-appartamenti ta’ Puttinu Cares f’Sutton. Hawnhekk, Dr Robert Abela u d-delegazzjoni tiegħu tkellmu ma’ persuni ta’ etajiet differenti li qed jgħixu f’dawn il-postijiet sakemm jieħdu l-kura meħtieġa. Dawn il-familji nnutaw l-appoġġ kbir li jirċievu mingħand Puttinu Cares. Ġie rrimarkat ukoll kif l-għajnuna mogħtija mill-Gvern tissarraf li f’mument ta’ sfida, jiġu koperti l-ispejjeż marbuta mal-vjaġġ mhux biss ta’ persuna waħda li takkumpanja lill-pazjent, fosthom tfal, iżda anki t-tieni persuna.

Mill-appartamenti ta’ Sutton, iż-żjara kompliet fil-proprjetà l-ġdida ta’ Puttinu Cares fiċ-ċentru ta’ Londra, fejn qed jinbnew appartamenti għall-familji Maltin u Għawdxin eqreb ta’ fejn il-pazjenti jirċievu t-trattament mediku. Ingħad kif din il-binja, frott id-donazzjonijiet tal-poplu Malti u l-għajnuna mill-Gvern, se tkun imsemmija għall-mibki tabib Dr Victor Calvagna, li ħadem ma’ għadd ta’ tfal u familji li ntlaqtu mill-marda tal-kanċer. Bis-saħħa ta’ din il-binja, li issa hemm permessi biex jitla’ wkoll sular ġdid, se jiġu akkomodati mat-80% tal-pazjenti u qraba li jiġu bżonn akkomodazzjoni waqt li jkunu fl-Ingilterra biex jirċievu l-kura. 

Sitwazzjoni li sa għoxrin sena ilu kienet għal kollox differenti, hekk kif il-familji u l-pazjenti kien ikollhom jaħsbu huma fejn joqogħdu bl-ispejjeż li ġġib magħha. Preżentament bejn sittin u disgħin pazjent jivvjaġġaw minn Malta lejn l-Ingilterra kull xahar biex jirċievu kura fi sptarijiet fiċ-ċentru ta’ Londra. 

Iż-żjara tal-Prim Ministru ntemmet għand is-sorijiet Franġiskani f’Londra li wkoll jiddedikaw il-ħin u r-riżorsi tagħhom biex joffru assistenza mill-qalb, b’servizzi li jiffaċilitaw il-ħajja tal-familji Maltin waqt li jkunu għaddejjin minn mumenti ta’ sfida. 

Intant, il-President ta’ Puttinu Cares Angele Cuschieri rringrazzjat lill-poplu Malti u Għawdxi tal-appoġġ li dejjem wera lejn l-għaqda li taħdem mal-familji, fosthom tfal morda bil-kanċer. Hija tenniet l-appell t’għajnuna f’maratona li se ssir nhar il-Ġimgħa l-Kbira u li fiha se tkompli ssir realtà l-ħolma tal-proġett ta’ appartamenti fiċ-ċentru ta’ Londra biex jakkomoda l-familji Maltin li jkunu l-Ingilterra għall-kura medika. 

Angele Cuschieri qalet li hi xi ħaġa sabiħa li l-pajjiż ikun hemm b’risq il-familji li jkunu għaddejjin minn perjodu diffiċli ta’ mard u spjegat kif il-missjoni ta’ Puttinu Cares ma tistax tieqaf iżda trid tkompli tissaħħaħ.

Din iż-żjara f’Londra kienet ikkordinata bis-sehem tal-Kummissarju Għoli ta’ Malta għar-Renju Unit, il-Professur Stephen Montefort.

Il-Prim Ministru Robert Abela jinawgura żewġ skejjel ġodda fir-Rabat Għawdex – l-Iskola Primarja Sir Arturo Mercieca u l-Iskola Medja Agius de Soldanis

Il-Prim Ministru Robert Abela, akkumpanjat mill-Ministru għall-Edukazzjoni u l-Isport, iż-Żgħażagħ, ir-Riċerka u l-Innovazzjoni Clifton Grima u mill-Ministru għal Għawdex u l-Ippjanar Clint Camilleri, inawgura żewġ skejjel ġodda fil-kampus edukattiv fir-Rabat, Għawdex: l-Iskola Primarja Sir Arturo Mercieca u l-Iskola Medja Agius de Soldanis.

Il-proġett tal-iskola Primarja jinkludi 16-il klassi għall-Primarja, 10 klassijiet għall-kindergarten, klassijiet u laboratorji għax-xjenza, IT u arti, fuq żona ta’ 8,000 metru kwadru bi 3,000 metru kwadru minnhom żoni għall-isport u r-rikreazzjoni tat-tfal. L-iskola Primarja u l-kindergarten flimkien kapaċi jieħdu madwar 650 tifel u tifla. Bħala parti minn dan il-proġett sar ukoll it-tkabbir u l-immodernizzar tal-Iskola Medja li hemm fl-istess żona u li tikkonsisti f’30 klassi li ġew rinovati, laboratorji tax-xjenza, żewġ swali ġodda għal użu differenti, gymnasium u klassijiet ġodda għall-arti, il-mużika, u d-drama.

Il-Prim Ministru żar diversi klassijiet tal-iskola Primarja u ltaqa’ mat-tfal waqt attivitajiet edukattivi. Wara żjara fiċ-Childcare Centre modern, żar ukoll l-iskola Medja fejn segwa sessjonijiet ta’ arti u xjenza, kif ukoll diskussjoni mal-istudenti li kienet tinkludi l-parteċipazzjoni ta’ personalitajiet magħrufa Għawdxin Mark Laurence Zammit, Sarah Bonnici u Daniel Formosa. Il-Prim Ministru għalaq id-diskussjoni b’intervent li sar fost l-istudenti stess.

F’indirizz tiegħu l-Prim Ministru Robert Abela saħaq li dak li ġie inawgurat mhuwiex biss żewġ skejjel; hu investiment fil-ħolm u l-aspirazzjonijiet ta’ mijiet ta’ tfal Għawdxin. Dan il-kampus hu eżempju ċar ta’ kif irridu naraw lill-edukazzjoni – moderna u inklużiva. Dan il-proġett sar permezz ta’ investiment ta’ madwar €18-il miljun u jinkludi wkoll childcare centre, faċilitajiet sportivi u ċentru ta’ interpretazzjoni arkeoloġika mibni madwar fdalijiet ta’ oqbra Puniċi li nstabu waqt il-kostruzzjoni.

Il-Ministru Clifton Grima qal li għalkemm il-bini huwa importanti, l-iktar ħaġa kruċjali hija li f’dan il-kumpless inħoloq l-ambjent meħtieġ biex it-tfal jiżviluppaw il-ħiliet tagħhom. “Illum dawn l-istudenti u l-edukaturi għandhom l-ambjent edukattiv meħtieġ biex il-perkors edukattiv jgħinhom mhux biss jiżviluppaw il-ħiliet tagħhom, imma wkoll li jwassalhom biex jilħqu l-aspirazzjonijiet għall-futur tagħhom. Din l-iskola ġdida u l-modernizzar tal-kumpless jingħaqad mal-katina ta’ skejjel ġodda u modernizzati li qed nagħtu u qed jitgawdew mill-istudenti u l-edukaturi tagħna,” qal il-Ministru Grima.

Il-Ministru Clint Camilleri stqarr li l-inawgurazzjoni tal-iskejjel Primarja u Medja tar-Rabat hija pass ieħor importanti fit-triq tal-modernizzazzjoni tas-settur edukattiv f’Għawdex. “Bil-bini tal-iskola Primarja ġdida u bit-tkabbir u l-immodernizzar tal-iskola Medja dawn l-istituzzjonijiet edukattivi jirriflettu l-impenn konkret tal-Gvern biex jassigura ambjent ta’ tagħlim adegwat, sigur u innovattiv għall-istudenti tagħna,” il-Ministru Camilleri.

Il-Ministru Clint Camilleri temm jgħid li dan l-investiment huwa xhieda ċara tal-viżjoni tagħna favur edukazzjoni inklussiva u ta’ kwalità, li tqiegħed lit-tfal Għawdxin fiċ-ċentru tal-iżvilupp soċjali u edukattiv tal-gżira.

Dan il-proġett jagħmel il-kampus edukattiv fir-Rabat, Għawdex, uniku f’Malta peress li joffri edukazzjoni minn childcare sa sixth form f’ambjent wieħed integrat.

Erbat itfal Palestinjani minn Gaża waslu f’pajjiżna biex jirċievu kura medika. Kif kien imħabbar mill-Prim Ministru Robert Abela, Malta kompliet toffri din l-għajnuna umanitarja u laqgħet lil dawn it-tliet subien u tifla, kif ukoll lil qrabathom, li qed jakkumpanjawhom.

Minn vjaġġ mil-Lvant Nofsani, dawn it-tfal waslu fis-sigħat bikrin tal-Ħamis filgħodu wara anki ħidma kkordinata taħt inizjattiva mħaddma skont il-Mekkaniżmu tal-Unjoni Ewropea għall-Protezzjoni Ċivili bis-sehem tad-Dipartiment tal-Protezzjoni Ċivili ta’Malta. It-tfal se jirċievu kura medika mill-professjonisti fl-Isptar Mater Dei filwaqt li l-qraba qed jiġu ospitati mill-Aġenzija għall-Ħarsien ta’ Persuni li jkunu qed ifittxu l-Ażil (AWAS).

“A quality of life for all” – Prime Minister Robert Abela launches the basis of the Malta Vision 2050

During a discussion at Cittadella, Gozo, Prime Minister Robert Abela launched the basis for the Malta Vision 2050. This meeting, which was a form of open discussion in the presence of the Cabinet of Ministers, gathered speakers of various ages and other members of the community including Gozitans, to discuss a common direction for a sustainable country.

The Prime Minister presented the main declaration of this vision, “A safe and resilient nation, inspired by its historical heritage and driven by progress, which promotes a healthy quality of life for all.”

Speaking about the county’s future the Prime Minister said, “I see Malta as a strong, sustainable and inclusive country. A country that cares for its people. Protecting what makes us unique. Preparing for the future with courage, creativity and diligence. A strong Malta. Malta attracting the best technological investments. Our children will be in the prime of their life. They shall bear the results of their studies, seizing the best opportunities that shall be created.”

The Malta Vision 2050 will be built on four main pillars:

1.       Sustainable Economic Growth, where Malta continues to record an average economic growth of 5% per year between now and 2035, which is achieved at a more sustainable pace and driven by the financial services, digital, innovation and research sectors, high-end manufacturing, quality tourism, gaming, and other aviation and maritime related sectors, among others.

2.       Accessible and citizen-centred services, to ensure that everyone’s experience is based on quality and inclusiveness. With excellent social services, including affordable housing, vibrant communities, and with good quality services, particularly those related to health and mobility, driven by advanced technology and digitalisation.

3.       A more resilient country with a modern Education system, to ensure that our country, despite its small size and geo-physical realities, minimises the excessive vulnerability caused by foreign dependence, particularly in strategic and nationally important areas such as energy, water, food and workers. Critical in all this is to ensure that we continue to have a great and innovative, forward-looking education system that is aligned with our country’s goals and needs. Above all, we must ensure that our country is also resilient and adaptable to climate change.

4.       Intelligent use of Land and Sea, to ensure efficient planning and conservation of our country’s natural resources in order to achieve a good ecological balance. A special focus will be provided to more efficient urban planning, for more green and open spaces, and land reclamation, in line with the current development taking place at the Malta Freeport.

These pillars are combined by four facilitators: namely politics and good governance, funding that will be strategically allocated to the forthcoming initiatives and projects, the digital transformation, and finally the update of brand Malta to reflect our country’s renewed aspirations.

This vision and pillars were shaped thanks to extensive consultation with constituted bodies, Ministries and entities. Surveys and focus groups with business and private citizens were coupled with sentiment analysis. Whilst other meetings included the MCESD, the Opposition and the Youth Advisory Forum, among others. In line with this vision, public and accessible Key Performance Indicators will be established whereby the general public can monitor Government’s progress on these indicators, making our people active watchdogs of the progress of this vision.

During the presentation, Prime Minister Abela said, “This is not merely the Government’s plan for the future, but a national conversation that goes beyond a political cycle or one party in Government.” The Prime Minister also focused on Gozo. He said that the Malta Vision 2050 also offers a unique opportunity for Gozo. “The vision sees Gozo as a model for the whole country. Gozo is among the first to benefit because Gozo is the model that the Maltese want. Gozo represents a microcosm of the key challenges and opportunities addressed by the Malta Vision 2050, from sustainable development and quality of life, to improved connectivity, innovation, and economic resilience,” Dr Abela said. 

Minister for the Economy, Enterprise and Strategic Projects Silvio Schembri explained that in the process of drawing up this vision, more than 30 key sectoral strategies were analysed, providing a comprehensive overview of current policy directions. This exercise led to the review of more than 1,800 individual initiatives, of which more than 90 macro initiatives have been consolidated in the framework of this vision. An in-depth analysis of mega trends applying to our country was also carried out, and a comparison was also made with other countries such as Ireland, Luxembourg, Denmark and Singapore.

Minister Schembri referred to the new way in which we will start measuring Malta’s success: “We are focusing on the quality of life of the individual, not just on GDP. This means that from now on, we will measure our nation’s progress based on how healthy, happy, and fulfilled our people are.”

In his concluding remarks, Prime Minister Abela called for unity: “Let us face this challenge with humility, imagination and determination. Let us continue to write this vision together, not just by word, but by deed. This is Malta which we need to build for ourselves and for future generations.”

The public consultation process will continue over the coming months, including throughout the summer, with the final launch of the Malta Vision 2050 will follow. Those interested in contributing with their ideas to a national vision of our country can find the necessary details and information on envision2050.gov.mt.

Il-Prim Ministru Robert Abela żar The Club Fitness Centre fil-Qrendi, fejn qed isir taħriġ tal-OCR speċjalizzat u inklużiv għall-awtiżmu. Matul iż-żjara, akkumpanjat mill-Ministru għall-Inklużjoni u l-Volontarjat Julia Farrugia, il-Prim Ministru ltaqa’ ma’ tfal u ġenituri li qed jibbenefikaw minn din l-inizjattiva. Dan il-proġett innovattiv, imniedi fl-2022, huwa kollaborazzjoni bejn il-Ministeru għall-Inklużjoni u l-Volontarjat, l-Autism Parents Association, u The Club Fitness Centre mmexxi minn Julian Briffa. Il-faċilità toffri taħriġ sportiv bla ħlas lil tfal li jinsabu fil-firxa tal-awtiżmu, filwaqt li tibqa’ miftuħa wkoll għal tfal oħra tal-komunità.

Matul iż-żjara tiegħu, il-Prim Ministru Robert Abela kellu l-opportunità jara mill-qrib it-taħriġ u apparat speċjalizzat li qed jintuża biex jgħin lit-tfal jintegraw aħjar fl-attivitajiet sportivi. Huwa faħħar l-impenn tal-organizzaturi u rrikonoxxa l-irwol importanti li dawn il-proġetti għandhom fl-inklużjoni u l-iżvilupp personali tat-tfal. “Dan il-proġett huwa xhieda ta’ kif qed inkomplu noħolqu opportunitajiet biex kulħadd ikun jista’ jipparteċipa fis-soċjetà. Aħna kommessi li nkomplu ninvestu f’aktar inizjattivi bħal din li jagħtu futur aħjar lil kulħadd,” saħaq il-Prim Ministru Abela.

Il-Ministru Julia Farrugia fakkret li dan il-proġett ingħata appoġġ finanzjarju mill-Gvern biex jissaħħaħ l-ispazju u l-programmi ta’ taħriġ. “Qed noħolqu ambjent fejn it-tfal kollha jistgħu jgawdu mill-benefiċċji tal-isport u jiżviluppaw il-ħiliet tagħhom b’mod sigur u inklużiv,” qalet il-Ministru Farrugia.

Il-proġett ta’ taħriġ inklużiv huwa mibni fuq tliet pilastri ewlenin: is-saħħa sportiva, l-inklużjoni, u l-komunità. Għaldaqstant il-faċilità tilqa’ mhux biss tfal bl-awtiżmu iżda wkoll residenti u anzjani li jixtiequ jagħmlu użu minnha matul il-ġimgħa.

Intant waqt din iż-żjara l-Prim Ministru ltaqa ma’ diversi ġenituri li tkellmu dwar l-għajnuniet li offrew appoġġ lill-familji ta’ tfal b’diżabilità. Dan hekk kif permezz tal-iskema ta’ rifużjoni fuq l-ispejjeż tat-terapija għat-tfal b’diżabilità, il-ġenituri issa jistgħu jitolbu lura sa €750 fis-sena għal sessjonijiet ta’ terapija. Din hi żieda ta’ €250 mill-€500 li kien l-ammont stabbilit għas-sena li għaddiet. L-inizjattiva mħabbra tinkludi wkoll ġenituri bi dħul baxx u dawk fuq benefiċċji soċjali. Dan il-pass jassisti direttament lill-familji biex ikunu jistgħu jiffukaw fuq il-ġid u l-iżvilupp tat-tfal tagħhom mingħajr piż finanzjarju żejjed.