Month: September 2022

PR221223

In the margins of the 77th edition of the United Nations General Assembly in New York, Prime Minister Robert Abela held several bilateral meetings with heads of state and government.

Yemen

A meeting was held with President of the Presidential Leadership Council of the Republic of Yemen Rashad Mohamed Ali Al-Alimi. The discussion centred on Malta’s role in the United Nations Security Council next year. The Prime Minister said that Malta is committed to both engaging directly with all countries that feature on the Council’s agenda and ensuring that respect for international rules and regulations are at the forefront of the Council’s work. He added that Malta supports the UN-led peace efforts in Yemen, and underlined the need for all parties, including Yemeni citizens, to engage in an inclusive process towards peace and stability.

Ecuador

The Prime Minister met with Guillermo Lasso Mendoza, the President of the Republic of Ecuador. As both countries will be working together as elected UN Security Council members between 2023 and 2024, the meeting addressed shared agendas and priorities including peace and security agenda, climate security, and the prioritising of peaceful settlement to disputes. The Prime Minister also noted the cordial ties between Malta and Ecuador and highlighted Malta’s openness to enhance and increase further the bilateral contacts.

Ghana

In a meeting held with the President of Ghana Nana Addo Dankwa Akufo-Addo, the strong ties between Malta and Ghana were highlighted, particularly in areas such as trade and tourism. The possibility for direct flights between the two countries was also addressed. Prime Minister Abela said he looks forward to continued collaboration both bilaterally and multilaterally.​

PR221204

Fi New York, il-Prim Ministru Robert Abela indirizza Summit dwar l-edukazzjoni, li matulu l-mexxejja ta’ pajjiżi differenti tkellmu dwar l-impenn tagħhom biex jitrasformaw l-edukazzjoni sal-2030. Fid-diskors tiegħu, il-Prim Ministru tkellem dwar l-impenn li pajjiżna jkompli jilħaq il-miri tiegħu fl-edukazzjoni.

“Il-Gvern Malti huwa kommess li jkompli jilħaq il-miri tiegħu fl-edukazzjoni u li jsegwi l-implimentazzjoni tagħhom bil-għan li jħallu aktar riżultati pożittivi sal-2030. L-edukazzjoni f’pajjiżna hija waħda inklussiva minn kull aspett, għaliex tiffoka fuq li nipprovdu aċċess ugwali lil kulħadd. Kull wieħed minnha għandu jpoġġi l-aċċess għal edukazzjoni ta’ kwalità bħala prijorità.”

Il-Prim Ministru rrefera għall-Politika Nazzjonali tal-Inklużjoni li qed tiġi implimentata f’pajjiżna favur aktar miżuri ta’ inklużjoni. “Investejna ukoll fl-infrastruttura diġitali biex nassiguraw li l-istudenti jkollhom aċċess għal edukazzjoni diġitali ta’ kwalità. L-impenn tagħna se jibqa’ li nkomplu ninvestu fil-pjattaformi diġitali biex noffru l-aqwa riżorsi edukattivi”, saħaq il-Prim Ministru Robert Abela.

Il-Prim Ministru sostna li bħala membru elett tal-Kunsill tas-Sigurtà tan-Nazzjonijiet Magħquda, Malta se tpoġġi bħala prijorità l-litteriżmu filwaqt li se tkompli taħdem biex tissalvagwardja d-dritt għall-edukazzjoni.

“Jekk jirnexxielna nittrasformaw l-edukazzjoni, inkunu biddilna l-futur”, ikkonkluda l-Prim Ministru.​

PR221203

F’indirizz li għamel fl-LGBTI Core Group, grupp reġjonali tan-Nazzjonijiet Uniti, il-Prim Ministru Robert Abela saħaq li Malta qed tħares ’il quddiem biex tilqa’ bosta nies minn madwar id-dinja fil-EuroPride li se tkun organizzata bejn is-7 u s-17 ta’ Settembru ta’ sena oħra.

Hu u jindirizza diskussjoni forma ta’ konferenza marbuta mas-77 sessjoni tal-Assemblea Ġenerali tan-Nazzjonijiet Uniti fi New York, il-Prim Ministru Abela spjega li fl-2013, Malta kienet fit-18-il post tal-indiċi ILGA-Europe b’punteġġ ta’ 35% iżda llum pajjiżna jinsab fl-ewwel post b’punteġġ ta’ 92%.

“Iċ-ċaqliq fil-politika u l-liġijiet favur aktar ugwaljanza fost persuni LGBTIQ sar riżultat ta’ ħidma u sħubija bejn il-gvern u s-soċjetà ċivili”, spjega l-Prim Ministru Robert Abela.

Fid-diskussjoni bit-tema ‘The Right to Be Me’, il-Prim Ministru Abela saħaq li pajjiżna għamel qabżiet kbar u Malta hija onorata li llum qed isservi ta’ mudell għal pajjiżi oħra.

F’kuntest dinji, il-prim ministru Malti saħaq li fadal x’naqdfu biex persuni LGBTIQ madwar id-dinja jgawdu minn drittijiet ċivili.

Hawn semma l-ħtieġa li persuni LGBTIQ ikollhom id-dinjità u d-drittijiet fundamentali tagħhom imħarsa.

Filwaqt li spjega kif fil-EuroPride ta’ sena oħra f’pajjiżna se jkun hemm għadd ta’ attivitajiet fosthom konferenzi u laqgħat ta’ appoġġ għall-komunità LGBTIQ, il-Prim Ministru Robert Abela saħaq li fl-aspett ta’ dawn id-drittijiet, Malta hija storja ta’ suċċess, għax semgħet ukoll il-vuċijiet ta’ kulħadd.

PR221198

Il-Prim Ministru Robert Abela jinsab fi New York, fl-Istati Uniti, fejn se jkun qed jipparteċipa fis-77 sessjoni tal-Assemblea Ġenerali tan-Nazzjonijiet Magħquda.

Bit-tema “A watershed moment: transformative solutions to interlocking challenges”, l-Assemblea Ġenerali se tiffoka l-aktar fuq ir-realtajiet li ġabu magħhom il-kunflitt fl-Ukrajna, il-pandemija, u t-tibdil fil-klima. L-isfidi umanitarji, l-edukazzjoni, id-drittijiet tal-minoritajiet, u l-ekonomija globali f’dawn iċ-ċirkostanzi huma wkoll temi li se jkunu diskussi.

Fi New York, il-prim ministru se jkollu wkoll sensiela ta’ laqgħat bilaterali.​

PR221185

F’laqgħa mas-segretarji permanenti tal-ministeri, il-Prim Ministru Robert Abela saħaq fuq l-effiċjenza u l-implimentazzjoni tad-deċiżjonijiet meħuda mill-gvern. Fl-ogħla forum tal-amministrazzjoni pubblika, il-prim ministru spjega li l-messaġġ ta’ għaqal u prijoritajiet f’ġieħ l-istabbiltà u s-sostenibbiltà mhux se jfissru tnaqqis fir-ritmu tal-ħidma.

Fl-istess jum li tnieda d-Dokument ta’ Qabel il-Budget, il-prim ministru aċċenna li l-gvern għandu pjan biex jibqa’ jsostni lin-nies frott l-investiment u t-tkabbir ekonomiku li pajjiżna qed jibqa’ jesperjenza. Fil-preżenza wkoll tas-Segretarju Permanenti Ewlieni Tony Sultana u s-Segretarju tal-Kabinett Ryan Spagnol, il-Prim Ministru Robert Abela spjega kif irridu nibqgħu naħdmu mas-settur privat li qed juri fiduċja f’pajjiżna. Hawn semma fost oħrajn ċifri mis-settur tal-ospitalità għal din is-sena li jiżbqu dawk li kellna qabel il-pandemija, b’għaxra fil-mija.

“Għandna riżultati li jimlewna b’fiduċja kemm fuq tkabbir ekonomiku u anki b’rabta mal-investiment. Il-manifest elettorali “Malta Flimkien” ingħata l-fiduċja mill-poplu u aħna lkoll, fl-irwol differenti li għandna fil-gvern, irridu naħdmu biex dan il-manifest, li issa huwa l-programm ta’ ħidma tagħna, jitwettaq kollu kemm hu”, saħaq il-prim ministru waqt li kien qed jindirizza lis-segretarji permanenti. Il-prim ministru saħaq ukoll fuq il-ħtieġa ta’ aktar tnaqqis fil-burokrazija u favur tmexxija retta iżda b’effiċjenza u ħeffa biex il-programm riformista tal-gvern jibqa’ għaddej favur il-ħtiġijiet tal-pajjiż u l-poplu.​​