Month: November 2022

F’waħda minn sensiela ta’ żjarat f’negozji u postijiet tax-xogħol li komplew jinvestu, xhieda tal-fiduċja li għandhom f’pajjiżna, il-Prim Ministru Robert Abela żar il-Greens Supermarket fl-Imrieħel.​​

Dan hu negozju tal-familja li tul iż-żmien evolva minn ħanut tal-merċa għal supermarket ewlieni f’pajjiżna.

Waqt iż-żjara, il-prim ministru seta’ jara t-tkabbir u l-investiment fl-infrastruttura li sar mit-tmexxija tal-kumpanija, li finalment qed ifisser iktar opportunitajiet ta’ xogħol. Sa Marzu tal-2021, il-kumpanija kienet tħaddem 350 ħaddiem u l-investiment tagħha matul is-snin kien ilaħħaq dak ta’ €30 miljun. Illum Greens Supermarket iħaddem 600 ħaddiem u l-investiment totali f’makkinarju, riżors uman u loġistika jmiss it-€38 miljun.

Waqt iż-żjara tiegħu l-Prim Ministru Robert Abela ltaqa’ wkoll ma’ diversi familji li kienu qegħdin jagħmlu x-xirja tagħhom. Il-prim ministru tenna mill-ġdid l-impenn tal-gvern li jkompli jgħin u jwieżen lill-familji Maltin u Għawdxin, b’mod partikolari fis-settur tal-enerġija bil-għan li jibqa’ jagħti serħan il-moħħ quddiem sfidi internazzjonali mhux żgħar. Dawn huma deċiżjonijiet li mhux biss iwieżnu lill-konsumatur, iżda li jħallu wkoll lil min iħaddem jippjana biex b’hekk ikun jista’ jibqa’ jinvesti f’pajjiżna u joħloq l-opportunitajiet.

Fil-fatt, it-tmexxija tal-kumpanija spjegat kif il-ħaddiema tagħha jaħdmu f’ambjent trankwill u sigur grazzi għall-investiment li sar matul is-snin fil-makkinarju li kontinwament jiffaċilità l-ħidma tal-impjegati. Sar ukoll investiment f’sistemi ta’ teknoloġija diversa.

Id-Direttur Maniġerjali Joseph Sammut irringrazzja lill-prim ministru taż-żjara tiegħu u tal-fiduċja li dejjem wera l-gvern fis-settur privat. Fil-fatt, is-Sur Sammut għamel referenza wkoll għal investiment ieħor tal-kumpanija, din id-darba fis-settur tal-ospitalità, bil-ftuħ ta’ ristorant ġdid bl-isem ta’ Mondo, li wkoll telaq b’mod b’saħħtu sinjal ukoll tal-fiduċja li għandu l-konsumatur Malti.

​Il-Prim Ministru Robert Abela żar iktar kumpaniji li qed isaħħu l-investiment tagħhom f’Malta, u f’laqgħat mat-tmexxija u l-ħaddiema ta’ kumpaniji minn setturi differenti nnota kif ħidmithom f’Malta hija wkoll xhieda tal-fiduċja li teżisti f’pajjiżna.

Mill-avjazzjoni, għall-gaming u l-investiment fil-proprjetà, fost oħrajn, il-Prim Ministru żar dawn in-negozji fiċ-ċentru tan-negozju CF f’San Ġiljan, li minnu mhux biss taħdem l-istess kumpanija iżda wkoll għadd ta’ kumpaniji oħra fosthom uħud internazzjonali bi preżenza f’pajjiżna.

F’dan iċ-ċentru, li sar b’investiment ta’ €15-il miljun, il-Prim Ministru ltaqa’ mat-tmexxija u l-ħaddiema tal-istess ċentru.

Żar ukoll l-uffiċini tal-kumpanija Pariplay li taħdem fis-settur tal-gaming, il-kumpanija Hilbert li tispeċjalizza fi strateġiji għall-klijenti fis-suq diġitali, u l-kumpanija Eurowings, kumpanija fl-avjazzjoni li hija reġistrata f’Malta u li mistennija tkompli ssaħħaħ il-preżenza tagħha f’pajjiżna, inkluż b’żieda fil-ħaddiema.

Il-Prim Ministru Robert Abela nnota kif dawn il-kumpaniji minn setturi differenti taħt saqaf wieħed huma xhieda ta’ diversifikazzjoni fl-ekonomija Maltija, li baqgħet tissaħħaħ u li t-tbassir għall-ġejjieni jibqa’ wieħed pożittiv u fost l-aqwa fl-Unjoni Ewropea.

Is-Sur Clifton Cassar, Direttur tal-kumpanija CF, qal li l-investiment fiċ-ċentru tan-negozju huwa wieħed tal-ogħla livell u li l-kumpanija hija kburija li qed tilqa’ fih kumpaniji minn oqsma differenti u li joffru servizzi tal-ogħla livell.

Il-Prim Ministru Robert Abela żar is-summit SiGMA, waħda mill-akbar fieri tal-igaming minn madwar id-dinja, li għal sena oħra qegħdin nospitaw f’pajjiżna.

Summit li attira taħt saqaf wieħed 25,000 delegat, 1,000 eżebitur u 200 start-up minn 80 pajjiż differenti.

Fi żjara li għamel fl-MFCC, Ta’ Qali, il-prim ministru nnota li l-interess li jiġġenera dan is-summit jirrifletti l-ottimiżmu li jeżisti f’din l-industrija f’Malta. Fil-fatt, pajjiżna huwa l-għażla ta’ 300 kumpanija tal-gaming, li jfissru 10,000 impjieg f’dan is-settur.

Il-prim ministru spjega li minkejja l-isfidi ekonomiċi globali, is-settur reżiljenti tal-gaming f’pajjiżna qed ikompli jikseb riżultati pożittivi.

Fl-ewwel nofs ta’ din is-sena, din l-industrija ġġenerat dħul ta’ €712 miljun fl-ekonomija Maltija. Dħul li jfisser għaxra fil-mija tat-tkabbir ekonomiku li rreġistra pajjiżna matul din is-sena u żieda ta’ €90 miljun fuq l-ewwel nofs tas-sena 2021. B’dan jikkumpara tajjeb ħafna wkoll mal-bqija tal-pajjiżi Ewropej, li esperjenzaw kontribuzzjoni tliet darbiet inqas dik li esperjenza pajjiżna.

Il-Prim Ministru Robert Abela tenna l-impenn tal-gvern li jkompli jibni ekonomija sostenibbli u inklużiva, partikolarment f’dan is-settur, u li se jkompli jibdel l-isfidi globali f’opportunitajiet. Fil-fatt, Malta hija l-unika pajjiż fl-Ewropa li n-negozji li joperaw minnha mhumiex affaċċjati b’żieda fil-prezzijiet jew limitazzjonijiet fil-konsum tal-enerġija. B’dan jista’ jservi bħala vantaġġ kompettitiv għall-kumpaniji f’pajjiżna.

Il-prim ministru kkonkluda li l-investiment fil-ħiliet u f’aktar opportunitajiet għal din l-industrija huma ta’ prijorità għall-gvern u li avvenimenti bħal SiGMA jiċċelebraw l-ispirtu tal-viżjoni ekonomika tal-gvern, li se tkompli tassigura aktar snin ta’ suċċess f’din l-industrija. ​

Il-Prim Ministru Robert Abela żar il-faċilità ġdida ta’ Burmarrad Group, li espanda l-operat tiegħu b’investiment ta’ €12-il miljun.

Hu u jinawgura dan l-investiment fil-Marsa, fejn ġew riġenerati mal-14,000-il metru kwadru ta’ spazju industrijali f’ċentru marbut mal-vetturi, il-Prim Ministru Robert Abela saħaq li issa m’għadux biss il-mument li nibqgħu nitkellmu fuq irkupru iżda dak l-irkupru issa qed iservi biex nilħqu livelli ogħla u ġodda.

Dan sostnieh f’kuntest li f’ħafna oqsma, pajjiżna qed jikseb riżultati aħjar minn dawk ta’ qabel il-pandemija.

Il-Prim Ministru Robert Abela fisser is-suċċess tan-negozju tal-familja u kumpaniji oħra bħala l-ikbar konferma li Malta miexja ‘l quddiem u fid-direzzjoni t-tajba.

Il-prim ministru spjega li din id-direzzjoni se twassal biex in-negozji jibqgħu jikbru u joħolqu l-ġid biex imbagħad dak l-istess ġid jinfirex biex ikollna ambjent fejn il-familji Maltin u Għawdxin ikomplu jimxu ‘l quddiem.

F’indirizz li għamel, Dr Abela rrefera għal żewġ rapporti, wieħed tal-Kummissjoni Ewropea u ieħor tal-aġenzija internazzjonali ta’ kreditu Fitch, li lkoll irrimarkaw li Malta se tkun fost l-aqwa fit-tkabbir ekonomiku.

Ftit wara li anki ltaqa’ mal-ħaddiema ta’ Burmarrad Commercials, il-Prim Ministru Robert Abela nnota li fl-aħħar sentejn, il-grupp irdoppja n-numru tal-impjegati tiegħu biex illum iħaddem mitt ruħ.

Fisser dan il-fatt u negozji oħra li qed jespandu bħala turija ta’ fiduċja f’pajjiżna u hawn semma kif il-gvern se jibqa’ jinċentiva u jagħti s-sostenn bħalma hu qed jagħmel biex iżomm il-prezzijiet tal-enerġija u l-fjuwil stabbli iżda xorta qed itejjeb il-qagħda tal-finanzi pubbliċi.

Il-Prim Ministru Robert Abela qal li dan qed isir b’deċiżjoni konxja li l-prijoritajiet il-ġodda ta’ pajjiżna qed jiġu miftehma mill-imprendituri u saħansitra qed jagħmlu tagħhom ukoll dawn il-prijoritajiet.

Hawn semma kif l-imprendituri qed jaħdmu fuq l-għan sostenibbli bħal investiment f’għodod u teknoloġiji iktar ħodor li jieħdu ħsieb l-effiċjenza fl-użu tal-enerġija.

Il-Prim Ministru Robert Abela qal li fil-Budget ippreżentat għas-sena d-dieħla l-gvern qed ikompli jinċentiva favur investiment sostenibbli b’miżuri bħall-irduppjar fl-għajnuna finanzjarja biex kumpaniji Maltin jinvestu fi proġetti diġitali u sostenibbli apparti li hemm iddedikati €20 miljun għar-rinnovar favur il-klima ta’ binjiet kummerċjali fis-settur privat.

Il-prim ministru temm jgħid li ma’ dawn l-inċentivi l-gvern se jkompli jinvesti fis-sistema edukattiva biex it-tfal ikollhom il-ħiliet għax-xogħol li qed jinħoloq filwaqt li qed isir investiment fl-infrastruttura u għalhekk is-sena d-dieħla se jsir investiment kapitali rekord ta’ €920 miljun.​

Prime Minister Robert Abela held a meeting with the Organisation for Security and Co-operation in Europe (OSCE) Representative on Freedom of the Media, Teresa Ribeiro, at his office. During the meeting, Prime Minister Robert Abela underlined a number of reforms undertaken in the past two years to strengthen the institutional framework, governance, and the media sector. These reforms were implemented in parallel to other global challenges.

Prime Minister Robert Abela outlined the presentation of the three draft laws that offer the highest level of protection to journalists and the media sector overall ever given in Malta’s history. He added that a committee of media experts was appointed following the acceptance of the recommendations of the public inquiry into the assassination of Daphne Caruana Galizia. The committee is chaired by Judge Emeritus Michael Mallia, who also led the public inquiry. Prime Minister Robert Abela referred to the agreement reached with the Caruana Galizia family and the Institute of Maltese Journalists (IGM) on the composition and terms of reference of the committee of experts.

The prime minister explained that following the recommendations by the committee, three draft laws were laid on the Table of the House of Representatives that will lead to an increase in the protection given to journalists. In fact, 87% of the committee’s recommendations were included in the media reform. The prime minister also underlined how Malta is introducing anti-SLAPP provisions in Maltese law, a first in the European Union.

Further to the above, the sentences for crimes committed against journalists will be more severe. During the meeting, it was made clear that, in the spirit of cooperation, there is no objection to further consultation on the draft laws, which are at the first reading stage. Prime Minister Robert Abela said the government is committed to continuing to implement reforms, as freedom of expression and the role of the media are two important pillars in a democratic society.

The prime minister praised the work carried out by the OSCE on media freedom, while Teresa Ribeiro thanked Prime Minister Abela and the Maltese Government for an open dialogue with the organisation she represents. She also took note of the work undertaken to further strengthen media freedom. Minister for Foreign and European Affairs and Trade Ian Borg, Minister for Justice Jonathan Attard, the Permanent Representative of Malta to the OSCE Natasha Meli Daudey and Head of the Secretariat of the Office of the Prime Minister Glenn Micallef were present for the meeting.​