Month: July 2024

Fil-Berġa ta’ Kastilja ġie ffirmat l-aqwa ftehim għall-edukaturi bejn il-Gvern u l-Unjin tal-Għalliema, l-MUT. Il-ftehim settorjali se jfisser titjib qawwi fid-dħul u l-kundizzjonijiet tal-edukaturi li jaħdmu fl-iskejjel pubbliċi u dawk tal-knisja. F’indirizz li għamel il-Prim Ministru Robert Abela qabel l-iffirmar, fakkar kif il-Gvern wiegħed titjib sinjifikanti fil-kundizzjonijiet tal-edukaturi u llum għandna l-aqwa ftehim għall-edukaturi. 

Dr Abela fisser l-edukaturi bħala mutur fil-qasam edukattiv hu u jinnota li l-ftehim fih żidiet fis-salarji għall-gradi kollha ta’ edukaturi. Il-ftehim huwa għal ħames snin u se jibda jgħodd bl-arretrati sa mill-bidu tas-sena l-oħra sal-aħħar tal-2027. Il-ftehim fih ukoll avvanz fil-karriera b’aktar pass mgħaġġel u se jkompli jsaħħaħ l-iżvilupp professjonali tal-edukaturi.

Il-Prim Ministru Robert Abela rrimarka għall-importanza tas-saħħa tal-pajjiż biex ikun kapaċi jinvesti fl-oqsma kruċjali bħall-edukazzjoni. Qal li dan il-ftehim hu parti minn kullana ta’ ftehimiet oħra li taw żidiet sostanzjali lill-ħaddiema u fiż-żmien li ġej se jkun hemm oħrajn biex igawdu aktar ħaddiema. Qal li lill-professjoni tal-għalliema ridna nagħtuha valur ikbar. Il-Prim Ministru sostna li għal Gvern li jemmen fil-ġustizzja soċjali bilfors irid jipprijoritizza lis-settur edukattiv, li hu pilastru u pedina importanti fil-bidliet li rridu nkomplu nġibu f’pajjiżna. “L-investimenti f’iktar għodda fl-iskejjel u fit-tagħlim ta’ għada, fejn għandna għaddejja d-diskussjoni dwar l-istrateġija l-ġdida għas-settur tal-edukazzjoni, irridu nixprunaw tagħlim li jissarraf fl-aqwa opportunitajiet u karrieri għaż-żgħażagħ Maltin u Għawdxin f’oqsma li jrendu u jagħtu valur miżjud fl-ekonomija tagħna,” saħaq il-Prim Ministru Robert Abela.

Fl-istess konferenza tal-aħbarijiet tkellem ukoll il-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima. Filwaqt li rringrazzja lil dawk kollha involuti fid-diskussjonijiet li wasslu għall-aqwa ftehim settorjali li qatt kellhom l-edukaturi, qal li dan il-ftehim huwa wkoll l-ewwel ftehim li permezz tiegħu l-Gvern u l-Unjin tal-Għalliema għandhom viżjoni komuni għat-tkomplija tat-trasformazzjoni tas-settur edukattiv. “B’ħidma flimkien, mal-edukaturi, mal-imsieħba soċjali, mar-rappreżentanti tal-edukaturi, mal-ġenituri u mal-istudenti nfushom se naraw li f’dan is-settur verament il-persuna tkun fiċ-ċentru,” qal il-Ministru Grima.

Il-President tal-MUT Marco Bonnici sostna li dan il-ftehim hu riżultat ta’ negozjati fuq ftehim li jirrikonoxxi l-esperjenza, il-kwalifiċi u l-impenn tal-edukaturi u jsostnihom sabiex ikomplu joffru l-aqwa esperjenza tat-tagħlim lill-istudenti.

Il-ftehim settorjali kien presedut mill-Prim Ministru Robert Abela, il-Ministru Clifton Grima u s-Segretarju Permanenti Ewlieni Tony Sultana.

Il-Prim Ministru Robert Abela indirizza konferenza tal-aħbarijiet wara li deċiżjoni tal-Prim’Awla tal-Qorti Ċivili ċaħdet it-talbiet kollha tal-Kap tal-Oppożizzjoni f’kawża li fetaħ kontra l-Avukat tal-Istat, li l-konsegwenza tat-talbiet tagħha kienu li jiġu mfittxija personalment il-Prim Ministru u l-eks Deputat Prim Ministru Chris Fearne.

Il-konferenza tal-aħbarijiet kienet indirizzata wkoll mill-Ministru għall-Ġustizzja u r-Riforma tas-Settur tal-Kostruzzjoni.

Investiment ta’ €33 miljun li jagħmel lil Malta waħda mill-ewwel pajjiżi fl-Ewropa bi proviżjoni ta’ enerġija elettrika shore-to-ship

Jibda jopera l-proġett ta’ onshore power supply li introduċa sistema tal-elettriku mill-art għall-cruise liners fil-Port il-Kbir. Proġett b’investiment ta’ €33 miljun ko-finanzjat mill-fond Ewropew Connecting Europe Facility, li jfisser tnaqqis drastiku ta’ 90% tat-tniġġis iġġenerat minn vapuri li jidħlu fil-Port il-Kbir. Proġett li jfisser li dawn il-vapuri jitfu l-magni u l-generators meta jkunu sorġuti fil-Port. Dan il-proġett ser iwassal għal titjib konsiderevoli fil-kwalità tal-arja għal madwar 17,000 familja li jgħixu f’din il-parti tal-pajjiż.

Il-Prim Ministru Robert Abela rrefera għal din il-ġurnata bħalha waħda li għandha tibqa’ mmarkata fil-qalba ambjentali li qegħdin inwettqu. Proġett importanti għal Malta aktar sostenibbli u innovattiva. Sostna li l-portijiet tagħna, bħala pajjiż gżira, huma l-qalb tal-ekonomija tagħna hekk kif jiffaċilitaw il-kummerċ u t-turiżmu. Filwaqt li spjega li l-opportunitajiet li jtuna l-portijiet tagħna, iġibu magħhom ukoll sfidi. Li għalihom il-Gvern qiegħed iwieġeb bi proġetti bħal dawn, li qegħdin ipoġġu lil pajjiżna bħala pijunier fi prattiċi marittimi sostenibbli.

Il-Prim Ministru tenna li dawn huma r-riżultati f’dik li hija qalba ambjentali, li minkejja li jidhrux, għax mhux qed tagħmel ġnien, jew proġett infrastrutturali, huma riżultati li ser jinħassu fl-iktar aspett importanti; saħħet in-nies.

“Sodisfatt ħafna li dan il-proġett ambizzjuż, bdejnih lejn l-aħħar tal-2020, meta konna f’pandemija. Hemm minflok konna qegħdin naqtgħu qalbna, konna qegħdin nibdew dan it-tip ta’ investiment. Investiment li jpoġġih bħala wieħed mill-aqwa proġetti tat-tip tiegħu fl-Ewropa, b’Malta hija waħda mill-ewwel pajjiżi bi proviżjoni ta’ enerġija elettrika shore-to-ship li kapaċi tissupplixxi lil massimu ta’ ħames cruise-liners fl-istess ħin. Iżda, ma waqafniex hawn. Dan hu proġett li ser inkunu qegħdin nestenduh mhux biss fil-Port il-Kbir iżda anke fil-Port Ħieles,” qal il-Prim Ministru.

Ikkonkluda billi sostna li l-Gvern huwa kommess u għandu l-ambizzjoni li jwettaq aktar bħala parti mit-tranżizzjoni ekonomika. 

Il-proġett jipprovdi elettriku fuq ix-xatt lill-cruise liners, li jippermettilhom li jitfu l-magni tagħhom waqt li jkunu trakkati. Din it-tranżizzjoni hija mistennija li tnaqqas l-emissjonijiet tas-CO2 b’madwar 40%, ekwivalenti għal tnaqqis ta’ 36.6% fil-gassijiet serra, jew madwar 30,400 tunnellata ta’ CO2 fis-sena.

Il-Ministru għat-Trasport, l-Infrastruttura, u x-Xogħlijiet Pubbliċi Chris Bonett, tkellem dwar l-isforz ta’ kollaborazzjoni wara l-proġett u rrefera għalih bħala kisba li tixhed ix-xogħol diffiċli u d-dedikazzjoni ta’ Infrastructure Malta, Transport Malta, u l-imsieħba kollha, fejn komplejna ninvestu fl-infrastruttura u fl-ambjent tagħna, li niżguraw arja aktar nadifa u kwalità ta’ ħajja aħjar għar-residenti taż-żona tal-Port il-Kbir.

Is-sistema l-ġdida, li tiflaħ sa ħames cruise-liners fl-istess waqt f’Pinto Wharf, Deep Water Quay, u Boiler Wharf, tipprovdi total ta’ 64MVA ta’ elettriku fuq ix-xatt. L-infrastruttura topera b’vultaġġi ta’ 11KV jew 5.5KV u frekwenzi ta’ 50 jew 60Hz, appoġġjati minn stazzjonijiet ta’ konvertitur ta’ frekwenza mgħammra bi 18-il transformer u erba’ konvertituri ta’ frekwenza, li jqassmu l-elettriku permezz ta’ 90 kilometru ta’ cables ta’ enerġija.

Dan il-proġett ġie inawgurat billi ssupplixxa l-elettriku lill-cruise-liner MSC World Europa li kien sorġut fil-Port il-Kbir. Min-naħa tiegħu, il-Kap għall-qalba fl-enerġija fi ħdan MSC Cruises, Michele Francioni, iddeskriva l-enerġija ġġenerata mill-moll għall-vapuri sorġuti bħala element importanti lejn l-impenn favur id-dekarbonizzazzjoni. Spjega kif parti kbira mill-flotta tal-kumpanija tal-cruise-liners hi attrezzata biex telimina l-emmissjonijiet u tgħin fit-titjib tal-kwalità tal-arja meta l-vapuri jkunu sorġuti mal-moll u jitfu l-magni biex jieħdu l-elettriku mill-art.

“Hu ta’ unur għalina li ninsabu hawn Malta, li hi pijuniera fil-ġenerazzjoni tal-enerġija permezz tat-teknoloġija tax-shore-to-ship fil-Mediterran, suq maġġuri għall-kumpanija MSC. Inħarsu ’l quddiem li aktar portijiet fil-Mediterran ikunu attrezzati bħal dak f’Malta biex l-industrija tal-cruise-liners u dik marittima jikkontribwixxu iżjed għal tnaqqis fl-emissjonijiet”, qal Michele Francioni.

Dan il-proġett mhux biss isaħħaħ is-sostenibbiltà ambjentali tal-portijiet ta’ Malta iżda jimxi wkoll mal-għanijiet tal-UE u ta’ Malta dwar it-tibdil fil-klima, u jikkontribwixxi għat-tnaqqis tal-carbon footprint assoċjat mal-attivitajiet tal-port u d-dekarbonizzazzjoni tal-operazzjonijiet marittimi.

Infrastructure Malta u Transport Malta qed jestendu wkoll dan in-netwerk tal-enerġija max-xatt għal żoni oħra fil-Port il-Kbir, fosthom Ras Ħanżir, il-mollijiet tal-Laboratory and Magazine, Palumbo, u l-Mediterranean Maritime Hub. Dan it-tkabbir kontinwu jenfasizza l-impenn tal-Gvern biex jippromwovi t-tkabbir ekonomiku sostenibbli u jtejjeb il-kwalità tal-ħajja għall-Maltin u l-Għawdxin kollha.

In the coming weeks, a final document of the Children’s Policy Framework 2024-2030 will be published. This follows the initial draft, which was open for public consultation and received over 200 submissions from children and 35 additional submissions from stakeholders in the field.

Prime Minister Robert Abela highlighted this in his address at the conclusion of the Eurochild Convention, held in Malta over the past two days in collaboration with the Malta Foundation for the Wellbeing of Society. The Chairperson of this Foundation, President Emeritus Marie-Louise Coleiro Preca, is also the President of the Administrative Board of Eurochild, an international organisation that brings together various associations across Europe working with children.

Prime Minister Robert Abela underlined that this Children’s Policy Framework is designed to align with the government’s efforts to enhance the quality of life for families. This framework addresses key issues identified by children, such as quality family time, environmental concerns, health, and education. Dr Abela noted that alongside this work, there is the National Action Plan for Child Guarantee, which includes important measures that this socially driven government is implementing to continue addressing social realities. He explained that half of the social measures in this Action Plan are being implemented in crucial areas such as social security, education, health, and housing.

At the Eurochild Conference, Prime Minister Robert Abela emphasised the importance of keeping our country open and ensuring that children’s voices are heard and valued. “This supports activism among children and youth, which is crucial for further strengthening our society”, Dr Abela said. He referred to the R.I.G.H.T.S. project, led by the Malta Foundation for the Wellbeing of Society and supported by the government, which is resulting in training children and youths in leadership skills to establish Local and Regional Children’s Councils.

Dr Abela concluded by stating that children are not only the present and the future but also the foundation of our society. He emphasised the need to continue supporting them to ensure a brighter future for our country.