Month: November 2025

Waqt l-inawgurazzjoni tal-Verdala Wellness Hotel AX Privilege fir-Rabat Malta, il-Prim Ministru Robert Abela saħaq li pajjiżna qiegħed kulma jmur jistabbilixxi prodott turistiku li qed jagħtina l-opportunità nimxu dejjem aktar lejn turiżmu ta’ kwalità.

Akkumpanjat mid-Deputat Prim Ministru u Ministru għall-Affarijiet Barranin u t-Turiżmu Ian Borg, il-Prim Ministru Robert Abela nnota kif l-inawgurazzjoni ta’ dan l-investiment f’lukanda qed isir f’kuntest fejn is-settur turistiku Malti qed ikompli juri tkabbir sostenibbli. Dan għaliex pajjiżna mhux biss qed jirreġistra riżultati turistiċi pożittivi ferm fix-xhur tas-sajf, iżda qed jirreġistra wkoll riżultati tajbin matul il-bqija tal-istaġuni. Il-Prim Ministru semma kif sa Settembru li għadda, iż-żieda fin-numru ta’ turisti li żaru pajjiżna telgħet għal 12% fuq l-istess perjodu tas-sena ta’ qabel. Iktar importanti, in-nefqa tat-turisti f’pajjiżna fl-ewwel disa’ xhur tas-sena laħħqet it-tliet biljun ewro, kważi 20% aktar minn sena ilu. 

Huwa żied jgħid li l-prospetti għas-snin li ġejjin huma inkoraġġanti, xprunati anke mit-tisħiħ fil-konnettività u rotot ġodda, fosthom titjiriet diretti mill-Istati Uniti mis-sena d-dieħla. Il-Prim Ministru nnota li t-twessigħ fil-konnettività qed jagħtina l-opportunità nilħqu swieq ġodda u nattiraw turisti ta’ kwalità, filwaqt li nkomplu nsaħħu l-pożizzjoni ta’ Malta bħala destinazzjoni ewlenija fil-Mediterran.

Il-Prim Ministru Robert Abela saħaq li l-Gvern qed imexxi strateġija li tiffoka fuq turiżmu ta’ kwalità aktar milli fuq kwantità. Din id-direzzjoni hija riflessa fil-Viżjoni Malta 2050, viżjoni li tħares lejn tkabbir sostenibbli u lejn mudell turistiku li jikkontribwixxi b’mod aktar b’saħħtu għall-ekonomija u l-kwalità tal-ħajja dejjem aħjar tal-Maltin u Għawdxi. Dr Abela nnota wkoll kif dan l-investiment mill-AX Group qed ikompli jagħti kontribut konkret għall-iżvilupp tal-prodott turistiku Malti u għall-bidla lejn destinazzjoni li tiffoka fuq kwalità u valur miżjud. Il-proġett tal-AX Group jikkonsisti f’residenzi ta’ livell għoli u lukanda li toffri esperjenza distintiva għal persuni adulti.

Il-Prim Ministru Robert Abela jżur l-aħħar xogħlijiet qabel il-ftuħ mill-ġdid tal-korsa taż-żwiemel

Il-Ħadd waranofsinhar il-Prim Ministru Robert Abela akkumpanjat mill-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni Clifton Grima żaru l-aħħar xogħlijiet li saru biex fil-jiem li ġejjin terġa’ tiftaħ il-korsa taż-żwiemel għall-kampjonat tat-tiġrijiet taż-żwiemel. Proġett li sar skont kif imwiegħed fil-programm ta’ ħidma tal-Gvern li jkompli jsaħħaħ l-infrastruttura sportiva f’pajjiżna. 

Il-Prim Ministru Robert Abela nnota kif din id-dixxiplina sportiva hi waħda importanti f’pajjiżna u rrimarka kif il-Gvern wettaq dak li wiegħed jiġifieri r-riġenerazzjoni tal-korsa taż-żwiemel fil-Marsa. Innota li fil-korsa taż-żwiemel fil-Marsa nħolqu faċilitajiet ta’ livell internazzjonali għat-tiġrijiet taż-żwiemel u t-taħriġ tagħhom fost l-oħrajn. Huwa saħaq li s-saħħa ekonomika ta’ pajjiżna tippermettilna li nkomplu ninvestu f’oqsma differenti mis-saħħa għall-edukazzjoni, mis-soċjal għall-familji u anki dawk ambjentali bil-pjanijiet ta’ żewġ parks nazzjonali fil-White Rocks u Manoel Island iżda mhux biss. Pajjiż ekonomikament b’saħħtu bħal Malta qed ikompli wkoll jinvesti fl-aqwa faċilitajiet sportivi għal dixxiplini sportivi differenti.

Waqt iż-żjara ġie spjegat lill-Prim Ministru kif il-komunità sportiva tad-dixxiplina tat-tiġrijiet taż-żwiemel dejjem kellha xewqa ta’ korsa ġdida ta’ kwalità li tista’ toffri aktar avvenimenti, professjonalità u serħan il-moħħ għall-isportivi. Ġie aċċennat ukoll li l-proġett kien intiż li jkompli jagħti prijorità lill-ħarsien tas-saħħa taż-żwiemel. Intqal kif il-korsa, li ġiet iddisinjata mill-Perit Malti Edwin Mintoff, taħt il-gwida tal-arkitett Żvediż Lars Sandstrom, issa tinsab fuq livell wieħed li tippermetti aktar veloċità u spettaklu għat-tiġrijiet waqt l-ipprattikar ta’ dan l-isport.

Il-korsa b’tul ta’ kilometru tipprovdi wkoll infrastruttura aktar sigura għaż-żwiemel. Xogħlijiet oħra li saru jinkludu sistema ta’ dawl ġdid fuq il-korsa ta’ ġewwa. Din se tkun qed toffri alternattiva aħjar għal taħriġ li jsir fid-dlam. Dan apparti li sar railing ġdid li jipprovdi s-sigurtà li hemm bżonn u t-tqegħid ta’ saffi differenti ta’ ġebel u ramel b’daqs u tipi varjati fuq il-wiċċ tal-korsa. Ġie spjegat ukoll li mad-dawra tal-korsa saret riġenerazzjoni bi tħawwil ta’ siġar ġodda.

Il-Prim Ministru Robert Abela temm jirringrazzja lil kull min kien involut fil-proġett u awgura kampjonat tat-tiġrijiet taż-żwiemel isbaħ f’korsa tal-ogħla livell.

During his keynote speech at the MedTech World Malta 2025, Prime Minister Robert Abela presented Malta’s strategic vision to position itself as a leading European hub for MedTech, Life Sciences, and Digital Health. The Prime Minister affirmed that this national ambition is embodied is the Malta Vision 2050.

MedTech World Malta 2025 is an annual event bringing together over 2,000 delegates, and expert speakers from around the world. With wide participation of startups, investors and government representatives from various countries including the US, the UK, Europe, the Middle East and Asia.

The Prime Minister noted that Malta has introduced targeted incentives, support frameworks, and regulatory clarity designed to bring emerging technologies to market faster, without compromising on safety, ethics, or patient well-being.

“True innovation flourishes when government, academia, industry, and healthcare providers work together in a single collaborative ecosystem,” remarked Prime Minister Robert Abela. Institutions including Malta Enterprise, the Malta Life Sciences Park, the University of Malta, and the Ministry for Health are working in synergy to foster an environment in which new ideas can grow, scale, and deliver global impact. This collaborative approach is backed by strong investment in education and workforce development, aimed at nurturing the next generation of scientists, engineers, and digital health experts. He added that ongoing partnerships with international research institutions are assisting the country expand its talent pool in biotech, MedTech engineering, AI, and digital health.

Prime Minister Robert Abela also referred to Malta’s agility as a national testbed for digital health and real-world data platforms. Hospitals and clinics across the country are already rolling out projects in AI-driven diagnostics, telehealth, robotics, and digital hospital systems. These initiatives are not only improving patient outcomes but also demonstrating Malta’s ability to innovate quickly.

Dr Abela added that Malta is continuing to build strong international ties with research centres, hospitals, and MedTech companies. Public-private collaborations with the University of Malta and Mater Dei Hospital are helping turn scientific research into practical, market-ready healthcare solutions, he added. The Prime Minister stated that rising investors’ interest, especially in oncology research and AI-powered diagnostics, strengthens Malta’s reputation as a reliable EU base for high-value innovation.

The Minister for Economy, Enterprise and Strategic Projects, Silvio Schembri remarked that Malta’s progress in digital transformation has laid the foundation for another new economic niche – MedTech. “The investments we made years ago in digital infrastructure, skills, and innovation are now paying off, transforming Malta into a trusted destination for advanced healthcare technology and research,” stressed Minister Schembri.

This year’s edition features international leaders such as Houston Methodist, MedTech Innovator, Dubai Science Park, Johnson & Johnson, Boston Scientific, Philips, BlackRock, and Malta Enterprise, demonstrating the growing global engagement with Malta’s MedTech ecosystem.

Il-Prim Ministru Robert Abela jinnota l-legat li ħalla Karmenu Mifsud Bonnici u li għadna ngħixuh sal-lum

Fi Pjazza Kastilja, ġie inawgurat il-mafkar f’ġieħ l-eks Prim Ministru Karmenu Mifsud Bonnici. F’ċerimonja li saret, il-Prim Ministru Robert Abela nnota kif Karmenu Mifsud Bonnici kien avukat u politiku li dejjem ħaddan il-valuri tal-ġustizzja soċjali, l-integrità u l-umiltà. Qal li Karmenu Mifsud Bonnici tana l-aqwa ħaġa, ħinu. Spjega kif id-disponibbiltà tiegħu għan-nies kienet xi ħaġa li taffaxxinak. Fisser ukoll kemm kien vuċi b’saħħitha għall-ħaddiema.

Il-mafkar li jfakkar dan il-personaġġ fl-istorja politika Maltija inħadem fl-Italja b’kollaborazzjoni bejn Heritage Malta u l-Ministeru għall-Kultura, l-Artijiet u l-Gvern Lokali, taħt l-awspiċi tal-Uffiċċju tal-Prim Ministru. Iddisinjat mill-artist Malti Manuel Farrugia, il-mafkar jikkonsisti f’pedestall tal-ġebla tal-qawwi ta’ Malta u statwa tal-bronż. Dan il-monument realista u kontemporanju juri lil Karmenu Mifsud Bonnici għall-persuna li verament kien, persuna li kien iddedikat għax-xogħol, qrib in-nies u dejjem lest li jisma’ dak li jkollu xi jgħid ħaddieħor. Il-mafkar mhux biss qed iservi ta’ tifkira tal-eks Prim Ministru Mifsud Bonnici iżda huwa punt ta’ referenza għal figura oħra importanti fl-istorja politika ta’ Malta.

F’ċerimonja li fakkret lil dan il-persunaġġ u l-istorja ta’ pajjiżna, il-Prim Ministru Robert Abela sostna li l-wirt li ħalla Karmenu Mifsud Bonnici għadna ngħixuh u ngawduh sal-ġurnata tal-lum. “Bħala politiku kien jaħseb fil-ġejjieni. Kien formidabbli fi ħsiebu u tant ried li jasal, li fi żmien ta’ żviluppi politiċi li kienu għaddejjin, huwa insista u rnexxielu jdaħħal il-prinċipju tan-newtralità flimkien mal-bidla oħra li għadna ngħixuha sal-lum, li r-rieda tal-maġġoranza tal-poplu tkun suprema, emenda legali li biha saħħaħ id-demokrazija u ġab stabbiltà”, saħaq il-Prim Ministru.

Dr Abela qal li għal Karmenu Mifsud Bonnici, Malta ma kinitx gżira żgħira iżda parti minn realtà akbar, dik tal-Mediterran. Għalih kien hemm dinja waħda ta’ popli differenti li għandhom ikunu ħielsa u jagħżlu b’mod ħieles min imexxihom b’sistemi politiċi u soċjali li jagħżlu huma.

“Meta ġie biex idaħħal il-prinċipju tan-newtralità saħaq ukoll li f’kwistjonijiet li jqumu bejn pajjiżi għandna nfittxu mezzi speċifiċi. Dan  għadu relevanti sal-ġurnata tal-lum”, qal il-Prim Ministru hu u jisħaq fuq dan il-legat li ħalla l-eks Prim Ministru Malti Mifsud Bonnici.

Il-Ministru għall-Kultura, l-Artijiet u l-Gvern Lokali Owen Bonnici rrimarka li ma kienx hemm Karmenu tal-politika, Karmenu tal-avukatura u Karmenu bħala l-persuna privata, iżda kien hemm biss Karmenu wieħed, awtentiku, ir-raġel li ta qalbu għall-ħaddiem u għal pajjiżna.

Il-Ministru Bonnici ddeskriva lil Karmenu Mifsud Bonnici bħala ġentlom, bniedem ta’ prinċipju u li ma dak li hu sewwa, u ġust, qatt ma għamel kompromessi. Huwa qal illi lil Mifsud Bonnici l-flus qatt ma għamlu bih, tant li bħala avukat, Karmenu kien iħenn ħafna mal-klijent, filwaqt illi lil studenti fil-bżonn, li kien jgħallem fl-Università, kien saħansitra jaqsam magħhom id-dħul li kellu mill-Università.  Qal ukoll illi dan il-monument huwa l-inqas ħaġa li l-Istat Malti jista’ jagħmel f’ġieħ ġentlom li ta kollox għal Malta li tant ħabb.

Iċ-Chairman ta’ Heritage Malta Mario Cutajar qal li l-ġentilezza, l-umanità u l-umiltà ta’ Karmenu Mifsud Bonnici huma magħrufa u rikonoxxuti. Mhux daqstant il-legat politiku, legali u intellettwali tiegħu. Dak li ħalla warajh dal-persunaġġ għadna ngħixuh sal-lum fid-demokrazija stabbli li ngħixu u fis-sliem li ngawdu minkejja dak li qed iseħħ madwarna. Il-monumenti nazzjonali li jaqgħu wkoll fir-responsabbiltà ta’ Heritage Malta għandhom iservu, bħalma din l-aġenzija trid il-mużewijiet u s-siti tagħha li jservu, bħala tfakkira tal-esperjenzi ta’ dan il-poplu biex nagħrfu iktar lilna nfusna u nħarsu ’l quddiem b’iktar fiduċja.