Month: April 2026

During the official inauguration of the National Tennis Centre in Pembroke, Prime Minister Robert Abela described this project as another major sports investment in a discipline that had long required serious and adequate investment.

With an investment of €2.8 million, the official opening of the National Tennis Centre in Pembroke marks another important step in the Government’s work to continue strengthening sports infrastructure in our country. This project has not only transformed an abandoned site into a modern, high-level facility, but is also giving fresh momentum to the development of tennis in Malta.

The project was carried out under the leadership of SportMalta, which worked closely with the Malta Tennis Padel Federation. This collaboration was crucial in ensuring that the facility meets the highest standards and addresses the needs of both athletes and the organisations involved in the development of tennis in Malta.

The centre includes six tennis courts equipped with an ITF-approved Greenset playing surface, similar to that used at the Australian Open, as well as high-quality LED lighting on each court. In addition, the facility offers adequate space for spectators. The centre also includes various facilities, including a physiotherapy room, dedicated spaces for athletes, and offices for the Federation.

The Prime Minister noted that in recent years the sport of tennis has made significant progress, among which are the results Malta has managed to achieve at the Games of the Small States of Europe. “It is enough to say that in the last two editions of these Games we won no less than ten medals in tennis, three of them gold,” said Dr Abela.

He explained how this investment continues to strengthen the national sports infrastructure and complements other projects such as the Basketball Pavilion at Ta’ Qali, the athletics track in Marsa, the Marsa Sports Complex, as well as the Gozo Indoor Sports & Aquatic Pavilion in Rabat, Gozo, which includes an Olympic-size swimming pool.

Dr Abela also mentioned the work underway on other projects, including the first phase of the Ħal Far Track, which is expected to be completed in the coming months. He stressed that these projects are being made possible thanks to our strong-performing economy.

The Prime Minister also referred to various measures introduced by the Government to encourage a healthier lifestyle, including the six months free gym membership for youths and fiscal incentives for professional athletes.

The Minister for Education, Sport, Youth, Research and Innovation, Clifton Grima, said that the National Tennis Centre is a clear example of how an abandoned space can be transformed into a modern, high-level facility that truly makes a difference in the lives of athletes and the sporting community. “Through substantial investment and close collaboration with the Malta Tennis Padel Federation, we are giving our athletes the tools and infrastructure they deserve in order to develop and reach their potential,” Minister Grima said.

He added that this project is not only creating a new space for tennis in Malta but is also demonstrating the Government’s commitment to continue investing in sport asa means of personal growth, health, and opportunities for present and future generations.

The Chief Executive Officer of SportMalta, Mark Cutajar, said that SportMalta is proud to continue supporting the sports community with high-level facilities. He said this is another example of how a government entity works hand in hand with a federation for mutual benefit.

The President of the Malta Tennis Padel Federation, Marc Gingell Littlejohn, described this investment as a historic step for the development of tennis and padel in Malta, with a state-of-the-art facility that became a reality thanks to the support of the Ministry through SportMalta.

He explained that this centre will serve as a key hub for the training of national athletes, while also creating opportunities for exchanges with foreign players and preparation for international tournaments. He added that the facility will also help clubs organise more tournaments and activities, while supporting initiatives in schools to identify new talent and promote the sport through joint work with the National Sports School.

Waqt konferenza tal-aħbarijiet li mmarkat is-sostenn finanzjarju ta’ €38 miljun mill-Gvern għar-restawr tal-proġett Ta’ Saura National Empowerment Hub, il-Prim Ministru Robert Abela ddeskriva din l-għajnuna mill-Gvern bħala pass importanti sabiex dan il-proġett, li se jrawwem il-kreattività ta’ bosta tfal u żgħażagħ, jimmaterjalizza u jibda jaħdem.

Il-Prim Ministru spjega li dan huwa ftehim li l-Gvern qed iwettaq bl-appoġġ ta’ Komunità Malta, sabiex din il-binja storika tiġi restawrata u l-proġett jibda jopera b’mod sħiħ. Huwa saħaq li l-istess ftehim jixhed apprezzament lejn il-ħidma tal-Malta Trust Foundation filwaqt li jibgħat messaġġ ta’ solidarjetà u impenn biex tingħata spinta u mbuttatura lil inizjattivi bħal dawn. Filwaqt li żied jgħid li din is-sħubija ta’ ftehimiet bejn l-Istat u s-soċjetà ċivili huma l-benniena ta’ aktar ħolqien ta’ ġid fil-komunità.

Il-Prim Ministru Abela qal li permezz ta’ Dar Saura, pajjiżna se jkollu taħt saqaf wieħed ċentru modern, f’ambjent mill-isbaħ, li kapaċi jilqa’ elf persuna f’daqqa, jirċievu servizzi u mhux biss jieħdu xi ħaġa mis-soċjetà imma saħansitra jagħtu lura bil-kreattività u ħiliet li se jiżviluppaw. Huwa żied jgħid li lil dawn it-tfal u żgħażagħ li se jgawdu minn Dar Saura, u li huma dipendenti fuq oħrajn, irridu nagħtuhom l-indipendenza u d-dinjità li jixirqilhom.

Huwa rrefera wkoll għal diversi servizzi u inċentivi soċjali li qed joffri l-Istat, fosthom is-sostenn għal terapiji li jħallsu l-ġenituri biex jaraw uliedhom b’diżabilità jagħmlu pass ieħor ’il quddiem. “Inċentiv li bdejnieh fil-forma ta’ tax credit, imbagħad qlibnieh għal għotja għax fhimna li nkomplu nsaħħu l-għajnuna u din is-sena saħansitra żidnieh u tellajnieh għal elf ewro fis-sena,” innota l-Prim Ministru Robert Abela meta ta ħarsa għall-ħidma tal-Gvern fil-qasam tad-diżabilità.

“Dan li qed inħabbru llejla huwa mudell li diġà qed jintuża f’inizjattivi oħra ta’ impatt nazzjonali, bħall-proġetti ta’ Puttinu Cares fil-Mosta u f’Londra, kif ukoll fil-qasam tal-isport bl-istadium il-ġdid tal-Malta Premier fil-Marsa,” saħaq il-Prim Ministru. Dan filwaqt li qal li b’dan il-ftehim qed nuru li pajjiżna mhux biss għandu sisien sodi f’ekonomija li kapaċi tiddedika investiment li jidħol għandha għal skopijiet soċjali imma fuq kollox Malta tagħna għandha l-fibra morali u soċjali li tiddeċiedi li proġett soċjali bħal dan ħaqqu kull appoġġ mistħoqq.

Dr Abela wera wkoll l-apprezzament tiegħu lejn l-Arċidjoċesi Maltija, li kienet strumentali biex dan il-post jgħaddi għand il-Fondazzjoni sabiex ikun jista’ jitwettaq dan il-proġett, li se jgħin biex kull persuna tilħaq il-potenzjal tagħha. 

L-Arċisqof ta’ Malta, il-Monsinjur Charles J. Scicluna, sostna, “Huwa pjaċir kbir tiegħi li nara din il-proprjetà tal-Knisja, Dar Saura, li l-użu tagħha ġie afdat b’rigal lil Malta Trust Foundation, tkompli tieħu l-ħajja bl-impenn konġunt tas-soċjetà ċivili u l-Istat. Din hija oasi oħra ta’ inklussività u fejqan li qed tagħti risposta għall-bżonnijiet attwali tal-poplu tagħna b’sinerġija pożittiva bejn il-Knisja, is-Soċjetà Ċivili u l-Istat.” 

Min-naħa tiegħu l-Ministru għall-Intern, is-Sigurtà u x-Xogħol Byron Camilleri qal li meta naħdmu flimkien bħala Gvern u soċjetà ċivili joħroġ ħafna ġid. “Sħubija bħal din iġġib fuq il-mejda esperjenzi, valuri u ħiliet differenti. Bħala Ministru responsabbli wkoll miċ-ċittadinanza, illum assigurajt li bħala Gvern ser naraw li nassistu lill-Malta Trust Foundation tikseb ir-riżorsi meħtieġa biex il-proġett ikun suċċess. Dan proġett imfassal mill-bżonnijiet tan-nies u se jgawdu mijiet jekk mhux eluf ta’ tfal u familji. Bla dubju li minn proġett fuq il-karta ser narawh jieħu l-ħajja u jagħti ħajja ġdida lil dawk li jagħmlu użu minnu,” tenna l-Ministru Camilleri.

Il-fundatriċi u ċ-Chairperson tal-Malta Trust Foundation, il-President Emeritus Marie-Louise Coleiro Preca qalet li dan il-ftehim mhuwiex biss dwar infrastruttura, iżda dwar tama, dinjità u futur aħjar għal mijiet ta’ tfal u familji f’pajjiżna. Hija żiedet tgħid li permezz ta’ Ta’ Saura, qed jibnu mhux biss spazju, iżda opportunitajiet reali li jagħmlu lil Malta pajjiż aktar inklussiv u ġust.

Dan il-proġett qed jitmexxa mill-Malta Trust Foundation, li matul is-snin żviluppat esperjenza fil-qasam tal-appoġġ soċjali u edukattiv. Il-fondazzjoni hija magħrufa għall-programmi tagħha li jużaw l-arti, il-mużika u metodi kreattivi oħra bħala għodda ta’ integrazzjoni, empowerment u espressjoni personali għal tfal u żgħażagħ li ħafna drabi jsibu ruħhom esklużi minn sistemi tradizzjonali.

Il-Prim Ministru Robert Abela, akkumpanjat mill-Ministru għall-Inklużjoni u l-Volontarjat Julia Farrugia, żar Dar Shalom fiż-Żurrieq, fejn iltaqa’ mar-residenti fl-okkażjoni tal-10 anniversarju mill-ftuħ ta’ din id-dar, li matul is-snin kompliet tissaħħaħ bħala spazju ta’ kura, għożża u appoġġ għal persuni b’diżabilità.

Dar Shalom tilqa’ sa massimu ta’ ħames persuni b’diżabilitajiet differenti f’ambjent sigur, dinjituż u li huwa ta’ familja. Din ir-residenza hija frott ta’ sħubija bejn l-Aġenzija Sapport u d-Dar tal-Providenza u tifforma parti minn numru ta’ djar residenzjali għall-persuni b’diżabilità mifruxa madwar il-pajjiż. Din hi parti integrali mill-politika tal-Gvern li flimkien ma’ għaqdiet volontarji jkompli jinvesti f’mudelli ta’ għajxien indipendenti fil-komunità.

Matul iż-żjara tiegħu, il-Prim Ministru Robert Abela kellu l-opportunità jdur il-faċilitajiet u jara mill-qrib l-ambjent li fih dawn ir-residenti jgħixu. Huwa tkellem magħhom dwar l-esperjenza tagħhom f’din ir-residenza, kif ukoll dwar l-importanza li persuni b’diżabilità jingħataw l-appoġġ meħtieġ biex jgħixu ħajja kemm jista’ jkun indipendenti u jkunu jistgħu jintegraw fil-komunità. Waqt din il-laqgħa ħarġet ċara l-importanza li dawn is-servizzi jibqgħu jinbnew fuq mudell li jqiegħed lill-persuna fiċ-ċentru, filwaqt li jsaħħaħ il-valuri tal-inklużjoni u tal-parteċipazzjoni attiva fis-soċjetà.

Preżenti għal din il-laqgħa kien hemm ukoll id-Direttur tad-Dar tal-Providenza, Fr Martin Micallef, kif ukoll is-Sindku taż-Żurrieq, Rita Grima.

Il-Prim Ministru Robert Abela, flimkien mal-Ministru għall-Intern, is-Sigurtà u x-Xogħol Byron Camilleri, żar il-Forn tal-Ħabs, fejn ġie mdawwar mill-Kap Eżekuttiv tal-Aġenzija għas-Servizzi Korrettivi Christopher Siegersma. 

Il-Forn tal-Ħabs huwa wieħed mill-akbar u l-eqdem fran fuq il-gżejjer Maltin, li jmur lura għal madwar is-sena 1850. Illum il-forn jopera b’mod attiv, fejn kuljum jiġi prodott ħobż frisk għall-persuni detenuti fil-faċilità korrettiva, kif ukoll jiġu preparati prodotti biex jinxtraw mill-pubbliku, f’diversi perjodi matul is-sena.

Il-Prim Ministru faħħar il-ħidma li kienet qed issir mill-persuni detenuti u l-uffiċjali tal-Aġenzija.

L-inizjattiva mill-Forn tal-Ħabs għandha wkoll għan ċentrali ta’ riabilitazzjoni, fejn tipprovdi opportunitajiet ta’ taħriġ lill-persuni detenuti, sabiex jakkwistaw ħiliet ġodda li jkunu jistgħu jużaw meta jiġu integrati mill-ġdid fis-soċjetà, filwaqt li tgħin ukoll biex tonqos l-istigma li għadha assoċjata mal-faċilità korrettiva.

Il-Prim Ministru Robert Abela żar il-kumpanija The Convenience Shop (Holding) plc f’Ħal Qormi f’okkażjoni li fiha tnediet il-Fondazzjoni Sandra Calleja mill-istess kumpanija.

Din il-fondazzjoni se tkun qed tgħin lis-soċjetà b’mod tanġibbli u tappoġġa inizjattivi relatati mal-edukazzjoni, il-kura tas-saħħa, is-sostenibbiltà ambjentali u l-iżvilupp tal-komunità. Din il-fondazzjoni, li tfakkar il-memorja tal-mara ta’ fundatur tal-kumpanija, se tkun immexxija mill-President Emeritu Marie Louise Coleiro Preca u appoġġata minn Bord ta’ Amministraturi.

Il-Prim Ministru Robert Abela faħħar l-inizjattiva ta’ The Convenience Shop li jwaqqaf din il-fondazzjoni li permezz tagħha se jsir aktar ġid fil-komunità. Kompla jgħid li dan jixhed il-valuri tal-empatija u s-solidarjetà li l-kumpanija tħaddan.

“Bħala Gvern dejjem qegħdin hemm biex nappoġġaw dawn l-inizjattivi. Ir-Responsabbiltà Soċjali Korporattiva hija karatteristika tal-imprenditur Malti li jkompli jaqsam il-ġid ma’ ħaddieħor”, tenna Dr Abela.

Matul iż-żjara, il-Prim Ministru ltaqa’ mad-diretturi, it-tim eżekuttiv u l-ħaddiema tal-istess kumpanija. It-tmexxija tal-kumpanija spjegat il-ħidma li qed titwettaq u l-investiment li qed isir biex tissaħħaħ l-aċċessibbiltà diġitali, tiżdied l-effiċjenza fl-operat u tkompli titjieb l-esperjenza tal-konsumatur. Kompliet tispjega li bħalissa hemm’il fuq minn 100 ħanut f’aktar minn 50 lokalità madwar Malta u Għawdex.